係銅鑼灣返工, 要食得平、靚、正真係唔易, 大部分返office嘅都係12、1點食飯, 邊有咁多餐廳有咁多位置,仲要係好食比你揀!? 不過最近渣甸中心新開左一間多國菜餐廳—「GingerGinger野將 」, 之前同事黎過讚口不絕, 又有新張優惠, 所以今次就帶小妹黎試下! 餐廳裝修以日系嘅簡約設計為主, 空間感十足,給人舒適嘅感覺~ 菜式方面,主打新派東南亞菜, 平日下午有lunch set供應, 由11:30-14:00, 只是$66起, 包餐湯配牛角包和飲品, 都幾抵食喎! 先上前菜, 是日餐湯為粟米忌廉湯, 係新鮮打製而成的, 仲保留粒粒粟米蓉係裏面,鮮甜美味! 最impressed係連牛角包都係自家製, 仲要即叫即整,很用心呢! 入口酥脆,牛油香十足! 好食到想打包! Rice with Beef Rendang 巴東牛肉配飯($88) 巴東牛肉, 係將牛肉用椰奶和多種香料熬制而成的, 牛肉吸盡醬汁嘅精華,軟腍入味, 雖然餐牌上話有一條辣椒嘅辣度,但個人來說真係唔辣,反而係幾惹味, 拌白飯就剛好! 不過如果醬汁多d可以就更好! 見薄餅係自家製,又係廚師推介, 所以就試下! Phuket布吉風情($88) 嘩,pizza好大個呀! 即叫即烤, 薄餅可選擇10.3吋超薄健怡薄皮或12吋手搓厚皮, 我地揀左薄皮,感覺無咁heavy呢! 用冬蔭公肉醬做base,幾惹味, 配上雜錦海鮮、白菌、洋蔥等, 仲要有double cheese, 材料豐富,口感和味道都相當有層次! 性價比超高,值得一試! 餐飲有不少特式飲料, 跟餐半價就可以飲返杯啦! 不過我地最後都飲返熱奶茶同凍檸茶(凍飲加$3), 凍檸茶都幾大杯,加$3都值啦! 整體來說, 「GingerGinger野將 」嘅食物質素相當好, 價錢合理, Pizza足足夠兩個人share食, 性價比高! 要再黎食過返尋味先得! 地址: 野將 (銅鑼灣) 銅鑼灣渣甸街50號渣甸中心9樓全層 營業時間: 星期一至日:11:30-22:30