公司附近嘅馬來西亞菜「Mee...Lemongrass 」, 係我和同事周不時午餐嘅好選擇, 有午市套餐,而且份份都大份又抵食, 這裡只是套餐便提供十多款,款式都算多樣化。 點擊圖片放大 差不多每次黎,我都會點MEE...喇沙($78), $78已經係一個套餐, 已包括沙律、甜品和飲品: 是日沙律為大蝦柚子沙律, 大蝦爽口彈牙,柚子酸甜多汁,幾開胃! 喇沙內有大蝦、蜆肉、蟹柳、魚蛋、豆卜和雞蛋,材料豐富~ 喇沙湯底椰香味十足,微辣惹味~ 魚蛋爽口彈牙, 蟹柳是日本貨色,不會容易散開,口感不錯! 兩隻鮮蝦大大隻,肉質彈牙鮮甜, 豆卜吸晒湯底的精華,正! 麵底採用大馬正宗的「摻摻」做法,即係米粉撈油麵, 米粉盡吸湯汁,加上爽口滑嘟嘟的油麵, 每一啖有齊粗幼軟韌不同口感, 一次過滿足晒兩個願望! 點擊圖片放大 甜品為泰式拉椰糕, 椰子味幾突出! 泰國豆奶紅豆冰(跟餐加$22) 濃厚的豆香,不會一味死甜味, 感覺比平時的紅豆冰更健康呢! 紅豆軟腍有嚼勁,不錯吃! 如果紅豆多d就更滿足! 檳城炒貴刁($76) 又名「檳城炒粿條」, 粉條黑醬油顏色均勻,幾夠鑊氣! 炒得香滑,香味濃郁, 加上不少海鮮如魷魚、蝦和青紅椒嘅襯托, 更多重口感。 點擊圖片放大 最後,我地仲額外叫左個甜品, 因為聽聞呢到嘅薄餅幾好食。 芒果薄餅($32) 鬆軟似麵包但又脆口唧薄餅, 包着粒粒香芒,值得一試! 地址: Mee...Lemongrass (銅鑼灣) 銅鑼灣告士打道311號皇室堡地庫B11號鋪 營業時間: 星期一至日:11:30-22:30