每次係Openrice search銅鑼灣嘅甜品, 一定會見到名列前茅嘅「ATUM Desserant」, 花小姐每次見到,都會心思思想食~ 為左慶祝佢生日, 識做嘅我梗係帶佢黎比個驚喜佢啦! 「ATUM Desserant」嘅賣點就在於可以親眼見到甜品與藝術嘅融合, 所呈現出與眾不同嘅藝術品誕生~ 要將食材和醬料繪成一幅畫, 非凡嘅想像力和創意絕對不少得, 然後將藝術品放入口更是畢生難忘呢! 如果要食Improvisation席前甜品($348 for two),就要坐吧檯啦。 甫一坐下, 店員便奉上兩支用試管盛載着嘅welcome drink, 以士多啤梨汁作為原材料, 又幾refreshing,感覺天然無添加。 席前甜品是置於「畫布」上, 有三種顔色白、灰、黑可以挑選, 我地揀左白色,因為可以讓畫作睇起黎柔和d~ 之後「畫家」便開始為我們提筆啦~ 「畫家」先用各種色彩繽紛嘅顔料為「畫布」增添生氣, 白色嘅椰子散發出柔和嘅椰子香, 紫色是芋頭, 黑色嘅朱古力,朱古力味十足, 黃色嘅芒果和紅色嘅車厘子酸甜醒胃~ 之後再灑上密瓜、士多啤梨、芒果嘅糖粉以增添香氣和口感。 畫好底色後, 「畫家」便開始用各式各樣嘅自家製小甜品,砌湊出立體又富有藝術感嘅畫作~ 小甜品完全是天然製作, 每一款都散發着材料本身自然嘅味道。 從來沒想過脆米可以是紅莓味,感覺新穎; 菠蘿脆脆香甜可口; 綠茶麻糬軟腍煙韌; 朱古力布甸入口軟滑,朱古味濃; 軟滑咖啡忌廉去掉了咖啡嘅苦澀味, 只剩下咖啡嘅香味和甜味; 柑桔啫喱味道幾refreshing; 比較少見嘅玉桂和哈密瓜奶凍, 味道簡直似到十足十,可見其真材實料! 其中嘅焦糖脆脆和朱古力脆片係最好食derrr~ 焦糖脆脆香脆可口; 朱古力脆片香濃滋味,朱古力迷絕對不可錯過! 除各式各樣嘅小甜品外, 還有新鮮水果紅桑莓和藍莓作襯托呢~ 口感和味道層次都非常豐富! 完成畫作後, 「畫家」除了為花小姐寫上祝福句語外, 仲比我地有機會可以自己試下畫, 小編我梗係畫左最愛嘅麵包超人啦~ 畫完之後, 「畫家」仲為我地影相留念,sooo sweet! 最後,又到了相機食先嘅時間啦~ 「畫家」即席製作雪糕, 製造時煙霧瀰漫,真的好有feel喔! 竹炭朱古力雪糕朱古力味濃郁, 微微散發着竹炭嘅清香, 再配搭味道香甜清新,呈粉紅色嘅杏桃荔枝雪葩, 形成鮮明嘅對比, 兩種截然不同嘅味道, 互補不足之餘,又可互相中和一下膩感, 真係幾好食! 再灑上自家製粉紅色原味龍鬚糖, 色彩繽紛得很! 我地仲分別叫左杯Chocolate 70%($48)同Ice banana chocolate($48), Chocolate 70%沒想像中嘅濃稠, 反倒Ice banana chocolate濃稠得多,也比我想像中好喝, 濃郁香醇嘅朱古力, 散發着滿滿嘅香蕉味, 鐘意飲香蕉嘅吃貨不可錯過呀! 整體來說, 「ATUM Desserant」最適合慶祝生日或紀念日, 特別在於「畫家」會幫你在藝術品上為你寫上文字,為你彰顯心思。 Improvisation唔止於得個「睇」字, 絕對係睇得又食得嘅分子料理,值得一試! 地址: ATUM Desserant (銅鑼灣) 銅鑼灣駱克道459-461號The L. Square 16樓 營業時間: 星期一至五:14:45-23:30 星期六、日:13:00-23:00