係openrice見到「Diletto」有不少好評, 環境優雅之餘,食物質素也不錯, 所以便專登帶小妹黎試下。 沿着一道不起眼嘅樓梯而上, 竟然有個意想不到嘅神秘國度, 以湖水綠瓷磚和盆栽嘅襯托, 加上周圍色彩繽紛嘅花草, 令環境份外優雅脫俗,富有浪漫氣氛, 啱晒我同小妹二人撐枱腳啦~ 菜式方面,主要是意大利fusion菜, 點擊圖片放大 另有一個7道 Course的 Deluxe Dinner Set。 先來皇冠造型嘅麵包籃, 裏面盛着意大利香草包和麵包條, 意大利香草包入口軟熟,香草味十足! 麵包條脆卜卜,蘸上橄欖油醋和南瓜蓉一起吃,簡單美味。 Foie Gras Cannelloni($288) 點這道菜完全是被鵝肝醬所吸引, 沒想過竟然可以咁好食! 第一次食義式粗管麵, 厚實又有嚼勁嘅口感, 喜歡吃有咬口意粉嘅吃貨不妨一試! 內料放入鵝肝醬、菇菌和白腰豆等, 加上面頭嘅熱溶芝士肉醬, 「芝」味得很,層次感十足! 點擊圖片放大 眾所週知,小編係牛魔王, 所以一見到牛,就一定會點! U.S Angus Rib Eye Steak, 120 days Grain-Fed (12oz)($368) 12安士的肉眼扒果然份量十足, 旁邊看足足有1.5cm厚! 牛扒熟成度拿捏得不錯, 我們要了Medium rare, 切開還有血水滲出來~ 採用120天穀物飼養的牛肉, 入口柔軟多汁, 旁邊雖有牛肉汁、芥末、鹽巴等調味, 但由於牛扒新鮮,所以連額外的調味料都不需要加,原汁原味就最好! 地址: Diletto (尖沙咀) 尖沙咀漆咸道南11-15號余仁生中心1樓 營業時間: 星期一至日:11:30-23:00 Website:http://diletto.hk