好耐無食過粥底火鍋, 所以荃灣地膽便帶我到荃灣搵食, 去到屢獲好評的「阿爺粥品手工涮涮鍋」, 雖然餐廳同阿爺李家鼎其實係無關係, 不過食物質素卻相當到家! 所以我地一開始都有懷疑係咪「阿爺」開架!? 餐廳裝潢僕實, 全部都是sofa位,坐得都幾梳乎! 食物方面,有3個套餐可以選擇, 價錢由$218至$328, 價錢高一點就可享受更高級的海鮮,一分錢 一分貨吧! 8點前離座或9點後入座都可以減$20, 呢個優惠時段都幾全面! 點擊圖片放大 所有套餐都已包括7款指定海鮮、牛肉和自選5款火鍋配料, 套餐本身不是任食的, 但如果想食晒所有配料的話,加$30就可以啦! 價錢都幾抵食喎! 第一次見到食火鍋用到嘅筷子咁與別不同, 筷子分成兩截, 筷子下半部是普通筷子, 上半部的筷子頭就用上即棄木筷子, 除了較衞生外, 整對筷子亦較長, 涮涮鍋時可避免被湯汁濺到,相當細心呢! 食火鍋前先混個醬~ 我地選了基本嘅$218套餐, 先來的是大大盤份量十足的海鮮拼盤, 有奄仔肉蟹、凌波魚、生猛海蝦、貴妃蚌、新鮮鮑魚、海沙白、黃沙蜆, 款款都很新鮮! 其中最欣賞的是奄仔肉蟹, 奄仔蟹 ,是未經交配的處子青蟹, 肉質滑溜鮮甜,嫩得黎又結實, 不會像水蟹般肉質削又無口感。 凌波魚肉肉質細嫩鮮味,細刺少, 啱晒唔識食魚骨的小編! 海蝦肉質鮮甜彈牙; 貴妃蚌厚肉,鮮甜味美; 鮑魚都幾大隻,肉質軟腍又不失口感, 海沙白、黃沙蜆清洗得乾淨,沒有沙! 另外還有頂級美國肥牛, 牛肉紅白相間,肉質嫩滑,肉味十足! 另外5款自選配料有…… 即炸紫菜響鈴 嘩未見過咁長嘅響鈴, 長過一隻手掌呢! 響鈴炸得外脆內酥, 紫菜和腐皮互相融合,層次感豐富! 係我食過最好食嘅紫菜響鈴呀! 自家包製的韭菜餃皮薄餡靚。 象拔蚌涮完肉質鮮美爽口,不錯吃! 唔太鐘意食肉丸的我竟然覺得手打牛丸相當不錯,口感彈牙香口,不錯吃! 油麥菜份量都幾足,新鮮爽脆。 見大良炸鮮奶相當特別, 所以我地額外追加了一份! 新鮮熱辣炸好,外皮脆,內心鮮嫩可口, 鮮奶味相當突出! 涮完所有配料, 當然要試下集結所有精華於一身嘅粥底啦! 店員俾左碟調過味嘅生菜我地, 話可自由添加幫粥底調下味, 不過小編覺得已經夠晒味啦! 因為之前所涮過的海鮮和其他配料的精華都集結係到, 唔洗加,原汁原味就最好! 這裡的飲品除了普通的汽水, 仲有幾款特式沙冰和奶茶, 沒想過用新鮮芒果汁和原枝可樂配搭起來的芒果可樂沙冰($28)竟然可以咁夾, 食完粥底火鍋可以gur一gur, 值得一試! 整體來說, 餐廳粥底和食材用料新鮮, 唔洗$250就可以食到生猛海鮮,性價比高! 完全係物超所值! 若唔想食火鍋, 其實這裏也有特色小菜供應, 午市仲有粥底火鍋任食放題, 有機會要黎試下呢! Facebook share 仲送多碟三文魚刺身添! 地址: 阿爺粥品手工涮涮鍋 (荃灣) 荃灣沙咀道328號328廣埸地下5號舖 營業時間: 星期一至日:12:00-01:00