係銅鑼灣返工,Lunch食咩係最苦惱, 因為周圍都勁多人,價格唔會平, 食個茶餐廳都要四十個大洋, 想食餐好,又要抵食嘅話,選擇真係唔多。 今次同事就帶左我去佢公司附近新開的日式料理餐廳—「竹串」, 佢話新張期間食過,覺得唔錯喎! 難得啱啱做完一隻job,就食餐豐富嘅! 點擊圖片放大 餐廳有午市供應, 午餐由$68起就有交易, 有魚生飯、和風便當、烏冬定食、串燒定食等。 主菜還附上沙律、味噌湯、小食和甜品, 都幾抵喎! 點擊圖片放大 本來想食原條上,有一隻手掌咁長嘅極上鰻魚丼飯, 但1點已經售罄啦, 所以小編就點左極上魚生飯($98)。 沙律淋上和風醋醬汁, 酸酸甜甜,幾醒胃! 味噌湯鹹淡適中, 帶子裙邊爽口,微辣惹味。 極上魚生飯有6款魚生, 點擊圖片放大 三文魚、吞拿魚和油甘魚都係厚切, 三文魚肥美,魚油豐膄, 吞拿魚用上赤身部位,肉質較硬,但不失其甘甜鮮美, 油甘魚吃起來肉質彈牙,油脂豐富, 牡丹蝦好大隻,夠哂彈牙, 帶子size有2L咁大,肉身豐厚,又富彈性,味道鮮味, 無諗過魚生飯$100都唔洗仲有海膽呢, 物超所值呀! 竹串頂級牛舌燒($88) 有 6 串串燒, 分別是厚切牛舌、鹽燒手羽先、芥末松板豬、翠玉瓜、秋葵和一口甜薯, 牛舌都算厚身,肉質爽脆多汁, 不過一串好似唔係好夠喉。 鹽燒手羽先皮酥肉嫩, 芥末松板豬肉質1d都唔嚡, 加上特調芥末醬,微辣惹味, 翠玉瓜和秋葵爽脆多汁, 一口甜薯薯肉綿綿,但略嫌太腍。 最後還有甜品—雪米糍附送呢! 地址: 竹串日本料理 (銅鑼灣) 銅鑼灣登龍街28號永光中心15樓 營業時間: 星期一至日:12:00-15:00,18:00-23:00