食火鍋就食得多, 但淨係食牛肉,仲要可以食盡牛所有刁鑽位的火鍋店就認真少見! 身為牛魔王的小編一直有留意一間專食牛肉刁鑽位的火鍋店-「616牛肉火鍋專門店」, 但一直只有在新界:元朗、大埔和沙田三間分店,很是偏僻, 但今次竟然係銅鑼灣開分店-「616十二味」啦~ 九龍人、港島人終於有口福了! 牆上油畫以懷舊街市作主題, 配合返廚房以玻璃展視出師傅即點即切的牛肉檔,很切合主題呢! 雖以懷舊為主題, 但店卻以先進平板電腦落單,圖文並茂, 牛肉太多款唔知點選擇?! 落單前還可以按入圖片看過詳細介紹才決定,非常方便~ 點擊圖片放大 +3 自助醬料吧有超過10款醬料提供, 連比較少見的柑桔、秘製牛肉汁都有。 湯底有兩款可選擇:牛骨清湯 或 牛雜湯底, 因為想食清淡d,所以點算了牛骨清湯。 牛骨清湯望落真的如清水一般清, 但實際上牛的鮮味十足,膠原感重,但略嫌有點油膩。 餐牌上所有基本牛肉刁鑽位都有; 封門柳、金花趾和牛心錠等超過17款的選擇, 坊間少見,讓我們大開眼界, 最重要是碟碟都只是$48起,相當便宜! 餐紙上另印有牛肉的分佈圖,說明所有肉類的應涮時間,十分細心呢。 牛朴肉($48) 即牛頸脊,油花分佈密集, 涮熟後肉味香濃,肉質柔嫩,不錯吃!值得番點! 封門柳($68) 平時坊間見到的封門柳都要特別昂貴, 因為是整隻牛橫膈膜下面的一條柳,每隻牛只有一小條,十分罕有之物~ 肉味也是眾多部份中最濃厚的, 入口軟腍,又有口感, 價錢又便宜,性價比高, 是一眾牛魔皇夢寐以求的! 吊龍伴($68) 吊龍伴中有兩個小吊龍,即牛骨盆夾縫中的兩條肉,都是坊間比較少見的部份。 雖比封門柳的肉味差得遠,但勝在比較有咬口,算不錯吃! 牛心錠($48) 是牛心臟頂部的三叉血管,一隻牛只得一條, 口感爽脆又滑嘟嘟,很新奇! 不過牛味不突出,如果喜歡口感爽脆的話可以一試~ 齋食肉太寡,一定要食返時蔬中和下! 油麥菜($28)皇帝菜($28) 一客份量都算不少, 皇帝菜鮮香嫩脆,營養價值豐富~ 油麥菜最適合去吸一吸湯底的精華,爽脆得黎又入味。 響鈴($28)一定是火鍋必備! 口感香脆,吃起來不會太油膩,不錯呀! 既然開得新店,當然有新品-和本地啤酒廠麥子crossover推出616原漿啤酒($28), 原漿啤酒在歐洲盛行, 和普通啤酒最大區別是含有大量活性酵母, 而酵母在0-5°C下保存只能存活7天,超過時間就會變質, 所以普通啤酒會把酵母過濾掉,延長保質期。 原漿啤酒泡沫更多更厚實,口感很清爽, 打邊爐除左可以飲汽水gur gur佢, 當然就係飲啤酒啤啤佢啦! 整體來說, 「616十二味」牛肉質素相當不錯,價錢又平宜,性價比相當高! 而且還有早場和宵夜時段優惠,平上加平! 地址: 616十二味 (銅鑼灣) 銅鑼灣謝菲道391-407號新時代中心地下C號舖