難得早放工,梗係要有平食平啦! 因為喜歡Oppa的平價燒烤套餐, 所以今次已經黎唔知第幾次了。 雖然時間尚早 但卻已經有很多食客在等位, 因為我們只有兩個人,所以不用等太久,15分鐘左右就可以入座了 由於我們只想食小吃多滋味,所以只點了一個二人餐 雖說二人餐,但材料也相當豐富。 牛肉方面,可從頂級安格斯肉眼扒或特色牛排骨二選一, 豬肉方面,又可從五花腩或豬肋肉二選一, 還包一個精美海鮮拼盤(有原粒帶子2件、多春魚4件、八爪魚)呢! 肥妹話:「平時出西餐廳叫塊安格斯肉眼扒都要$200-300啦,有得揀梗係揀肉眼扒」 我就覺得五花腩不是常吃, 不過食韓燒不嬲都係唔肥唔食, 食五花腩好似較地道,所以就點了五花腩 先說韓國菜必備(免費)配菜:泡菜、海帶、豆芽 泡菜微辣惹味和海帶清淡爽口 不過豆芽就有d淡而無味 最重要是爐邊蛋也是免費的! 還有香辣惹味泡菜混在蛋裡面,爐邊蛋慢慢烤熟,嫩滑滋味 不過如果可以不斷添加就更好了! 食韓式燒烤怎少得麥茶(免費) ,解油膩最適合! 不愧為頂級安格斯肉眼扒 大細有差不多兩隻手掌之大 而且脂肪分佈都算平均, 點擊圖片放大 店員還很熱心地幫我們煎烤和剪開, 感覺很窩心! 韓式食法配上新鮮生菜一起吃, 中和了肉眼扒的油膩感,食落不會太飽膩又感覺比較健康, 肉質鮮嫩多汁,有少量香草作提味,原本的牛味也相當突出! 五花腩雖然看起來有少許肥膏, 但以五花腩來說都算是瘦, 而且肉質有點厚度, 點擊圖片放大 大火煎烤把五花腩的油迫出來, 外皮燒得可口有嚼勁,肉質軟腍,不錯! 海鮮拼盤當中最喜歡就是原粒帶子, 雖然沒有任何調味,但帶子味道鮮甜彈牙,絕對不是便宜貨。 而多春魚和八爪魚鬚味道口感則較普通,但都算新鮮,以套餐組合來說都算抵食! 整體來說, 二人套餐每人價錢只需$150 有肉眼扒有五花腩又有海鮮,都算抵食! 要注意的是二人餐只限星期一至四 5:30-7:00啊! 地址:OPPA韓國燒肉店 (旺角) 旺角洗衣街117號建煌華廈地下 營業時間:星期一至日 17:00-02:00