Weekend去左荃灣海濱都睇日落, 見到海濱隔離個商場「海之戀」裏面有好多新商店加盟, 原來「花斑茶社」係呢到都有分店, 咁就買左兩杯同小妹一齊坐係海旁睇日落~ 原來呢到嘅會員優惠係多間分店通用, 除左可以whatsapp落單唔駛排隊之外, 仲要每次埋單都有9折優惠, 仲享有買四送一嘅優惠,考慮得過! 點擊圖片放大 上次飲過期間限定嘅黑糖珍珠岩鹽厚鮮奶, 覺得幾好飲, 今次就試下黑糖珍珠系列嘅其他口味啦~ 黑糖珍珠可可鮮奶($32) 分層嘅賣相咁吸引,梗係要相機食先啦! 可可好香濃嘅朱古力味, 唔會死甜味,啱晒朱古力控! 不過亦都係因為可可本身自己有啲甜度, 配上黑糖珍珠之後會更更更甜, 唉!今次我做錯啦! 本來諗住原汁原味嘅我, 冇特別調較甜度和冰量, 下次真係要custom下~ 不過整體來說,我都幾欣賞佢嘅可可咁香濃,值得一試! 見呢到嘅鳳梨冰茶($24)係精選推薦, 就試下啦! 可以揀紅茶或綠茶底, 茶底幾香,仲有粒粒鳳梨果肉係裏面, 加左蜂蜜珍珠,更添口感! 地址: 花斑茶社 (荃灣) 荃灣大河道100號海之戀商場地下G24號舖 營業時間: 星期一至日:12:00-22:00