唔洗去台灣都可以食到台灣夜市必食嘅滷味啦!

由十二月開始苦等到而家,

來自台灣台北師大夜市「燈籠滷味」終於登陸銅鑼灣啦!

「燈籠滷味」主打台式熱食滷味,

除左有台灣直送嘅滷味之外,

亦都有香港限定配料。

配料非常豐富,有30款之多,

麵底除咗有來自台灣嘅王子麵,

仲有香港限定嘅冬粉(粉絲)、稻庭烏冬等。

肉方面有店招牌豬耳朵和豬腱肉,

其餘仲有雞翅膀、大腸、雞腎等。

蔬菜和火鍋料選擇都好多,

台灣地道小食甜不辣、鴨血、米血糕都有!

挑選晒各款佳麗之後,

店家就會將佢地擺入秘製滷湯熬煮,之後就食得啦!

店家嘅滷湯係由台灣總店直送,保證味道正宗!

小編最鐘意食冬粉(粉絲),

鐘意佢嘅吸湯力,吸盡滷湯嘅精華,正!

鴨血好軟嫩,鮮香味美!

雞翅膀滷得入味,不錯吃!

一睇就見到大腸幾肥美~

其餘配料揀左杏鮑菇和芋絲。

小妹就揀左台灣人氣麵食王子麵,

其實係好似公仔麵咁,不過更幼更爽彈~

台灣地道小食甜不辣

口感就如魚糕,煙煙韌韌。

豬耳朵不愧為店招牌!

豬耳朵嘅外皮軟彈,加上中間嘅軟骨夠脆口,口感好有層次!

豬腱肉滷得好入味,

不過口感就唔係軟嫩個種,唔係小妹杯茶。

好少在香港見到有鵪鶉蛋食,係台灣夜市滷水必選!

台灣將唐生菜稱為大陸妹,食完當去左敞台灣罷啦!

除咗麵食之外,

仲有多款台灣特色小食~

滷肉飯、九份直送手工芋圓、香脆地瓜條等。

香炸花枝丸拼貢丸($28

即叫即炸,記得襯熱食!

貢丸一咬開就咇晒d肉汁出嚟,好味呀!

不過花枝丸就普通啦,食落有啲粉感。

飲品當然唔少得台式手調飲品。

紅茶豆漿($22)加珍珠(+$4

冇諗過紅茶同豆漿咁夾,

有齊茶香同豆香,唔會蓋過大家嘅味,

不過珍珠就比較普通。

地址:

燈籠滷味 (銅鑼灣)

銅鑼灣登龍街39號地下

營業時間:

星期一至日:12:30-22:00

This entry was posted in 中國菜, 其他, 其他亞洲菜, 夜市, 家常小菜, 家庭聚會, 情侶約會, 時令, 特色餐廳, 甜品/飲品, 知己聚會, 街頭小食, 零食, 食材, 飲食文化, 香港 and tagged , , , , , , , , , , , , , , , , , , , , , , , . Bookmark the permalink.