係奧海城接完媽咪收工, 就跟媽咪去左附近新開嘅,主售星馬菜嘅餐廳—「才哥蝦麵」, 無諗過8點後都好多人,差不多滿座, 隱身於一條咁隱閉嘅後巷裏面, 竟然有咁多食客捧場, 睇黎食物真係有返咁上下質素! 餐牌一眼睇晒, 有湯粉麵或乾撈麵、飯、燉湯、街頭小食, 價錢都算經濟實惠。 點擊圖片放大 餐廳嘅招牌菜係蝦麵, 不過小編就比較愛好牛多啲, 所以就叫左碗牛三寶湯米粉($58), 有齊牛脷、牛筋、牛肚,份量好足! 牛脷尤其出色,軟腍入味~ 米粉幼細爽口,吸晒牛湯底嘅精華。 點擊圖片放大 +3 媽咪就叫左招牌去骨雞飯($58), 可以揀配油飯或者白飯, 雞件份量合理,厚肉嫩滑,不錯吃。 我地仲叫左兩個小食, 玻璃魷魚通菜($30) 魷魚好爽口, 撈埋秘製鹹蝦辣醬,幾惹味! 鮮雞腸($25) 爽脆入味,如果可以佐酒就一流! 清燉羊肉湯($58) 如果想滋補下,一定要揀羊肉湯! 入口清甜, 羊肉肉質細嫩,肉香味美! 蜜糖桔仔水($6) 有熱有凍, 天氣涼涼地,飲熱就啱晒啦~ 好暖身,桔仔味超香! 味道酸酸甜甜,解膩一流。 無諗過會桔仔味會咁突出,必試之選! 地址: 才哥蝦麵 (大角咀) 大角咀角祥街22號地舖 營業時間: 星期一至日:11:00-22:30