去完觀塘運動場打羽毛球, 係附近見到有家生意幾旺,不斷有食客進出嘅上海菜館, 嘩,原來呢家「上海榮華川菜館」係始於1975年,唔怪得裝潢咁懷舊啦! 仲要曾經兩度入選米芝蓮指南優質推介食府, 就儘管試下啦! 我地叫左個二人套餐($206), 包一款湯、兩款小菜、兩客白飯、兩盅八寶茶,都算經濟實惠。 酸辣湯 配料十足,有豆腐、筍絲、雲耳等, 微酸少辣,幾惹味! 溜肥腸 肥腸好入味,入口焦脆,口感軟嫩 , 配上尖椒一起炒,微辣惹味! 回鍋肉 連皮嘅五花腩經過徹底油爆之後, 食落唔會太油膩, 送飯一流! 擔擔麵 用左自家製嘅花生醬、麻醬和醋,酸香味美~ 最後來一杯用料十足嘅八寶茶, 有菊花、杞子、蓮子芯、果皮、胖大海、龍眼肉, 味道清甜可口。 地址: 上海榮華川菜館 (觀塘) 觀塘崇仁街15號地下 營業時間: 星期一至日:11:00-23:00