之前去天后食過「Texas Burger」, 覺得唔錯,尤其係milkshake, 小編知道佢係九龍區旺角朗豪坊開左分店, 以後同朋友聚會又多左個聚腳點啦! 迷你蟹餅配芒果莎莎($88) 一客有三件, 都算符合性價比, 呢到嘅蟹餅唔係炸脆,而係煎香,感覺無咁熱氣, 裏面除咗有蟹肉之外, 仲加左椒絲等配料,增添了不少口感~ 朗豪坊嘅頂層有間lego專門店, 而身處隔壁家嘅「Texas Burger」就有個lego主題嘅burger,幾有gimmick wor! Brick Cheese Burger 磚塊芝士漢堡($88) 個麵包整到好似lego咁,呈鮮艷奪目嘅橙色, 裏面嘅材料都幾豐富, 有原塊漢堡扒、玉香薰牛肉、半溶車打芝士和爽脆生菜, 原塊漢堡扒肉香味美,幾juicy, 加上啖啖肉嘅Pastrami, 食肉獸就啱晒啦! Soft Shell Crab Guacamole & Beef Burger 軟殼蟹牛油果醬牛肉漢堡($108) 小編最鍾意食牛油果, 所以見到牛油果嘅漢堡梗係忍唔住要order返個啦! 個漢堡包烘得香口鬆軟,讚! 軟殼蟹都幾大隻, 外皮炸得香脆可口,裏面啖啖肉, 加埋juicy嘅牛肉漢堡扒, 配上牛油果醬和半溶芝士,perfect match! 轉combo加$66, 可以加配是日精選奶昔/瑪格麗特、薯條和酸青瓜, 而是日奶昔係Berry Love, 本來原價一杯都要$50, 所以轉combo都幾抵! 好香嘅雜莓味,keep得住水準! 薯條係粗薯條,熱辣辣,係新鮮熱辣出爐嘅! 點擊圖片放大 +5 地址: Texas Burger (旺角) 旺角亞皆老街8號朗豪坊12樓1A號舖 營業時間: 星期一至四:12:00-22:00 星期五至日:12:00-22:30