九龍城嘅「泰象館」係小編最愛嘅泰國菜館之一, 於《優秀開飯熱店大賞2018》九龍城區嘅投票,小編都有投比佢! 炸蝦餅拼魚餅($75) 炸蝦餅炸魚餅一碟各有4件, 份量都算合理, 每件炸蝦餅魚餅都炸得呈金黃色,香脆又可口, 炸蝦餅肉質爽彈, 魚餅魚香味美, 蘸上泰式辣醬一齊食,更惹味! 馬拉盞炒芥蘭($62) 芥蘭鮮甜爽脆,馬拉盞炒過鹹香味美,不錯吃! 冬蔭海鮮湯($70), 兩個人飲小份剛剛好! 湯入面嘅材料豐富, 有多款海鮮如魷魚、青口、鮮蝦、蕃茄、菇菌等, 其中嘅青口幾大隻,鮮味十足, 湯嘅酸、甜、辣度調較得剛好,好味道! 南瓜焗海鮮飯($100) 呢個南瓜飯無我第一次食嘅時候好食, 可能係因為唔啱南瓜嘅季節, 所以南瓜唔係好甜, 又或者唔係好夠腍, 不過材料依舊地豐富! 有不同嘅海鮮如青口、魷魚係裏面,舖到成個山咁! 南瓜亦都預先拆左肉, 加埋提子乾、雜豆炒埋一起,口感十足! 最重要係淋在炒飯上面嘅南瓜溶漿和椰漿, 和炒飯拌在一齊食,味道更上一層樓! 不過略嫌醬汁太少, 如果多d就好啦! 點擊圖片放大 +7 地址: 泰象館 (九龍城) 九龍城城南道48號地下 營業時間: 星期一至日:11:30-00:00