同小妹係朗豪坊睇完戲, 就係朗豪坊搵食~ 見到「丸十寿司日本食堂 」做緊優惠,幾抵喎! 而且小妹之前食過一次覺得幾好, 點擊圖片放大 +2 餐廳樓底高,空間感十足! 近期仲做緊XO和蛋黃哥主題, 身為蛋黃哥粉絲一定要黎朝聖! 恆生信用卡做緊套餐推廣優惠, $630就可以食到原價$900嘅5款美食, 咁抵梗係要食套餐啦! 丸十春日二人套餐($630) 雜錦野菜沙律 唔好以為雜菜沙律無咩特別, 上面灑左勁多白飯魚, 沙律菜又夠新鮮爽脆, 配上酸酸甜甜嘅沙律醋,幾開胃! 豊洲特上刺身(5點) 刺身好豐富,全部都好新鮮有光澤, 有中拖羅、 牡丹蝦、金目鯛、原隻赤貝、油甘魚, 當中以中拖羅最為出色,好肥美,油脂豐腴,入口即化; 好少係香港可以食到咁高質嘅拖羅,讚! 牡丹蝦好大隻,肉質爽彈, 油甘魚好厚身,魚油脂香, 金目鯛軟嫩爽彈~ 丸十寿司盛合 有拖羅、帆立貝、海膽、牡丹蝦和池魚。 小編提提大家一定要食海膽先, 如果唔係紫菜就會好快腍! 海膽甘香清甜,算係幾新鮮! 帆立貝鮮甜味美, 牡丹蝦新鮮又大隻,入口軟嫩又不失口感。 最重要係壽司飯,既香又有米味,口感十足! 全靠店家用上「精米」—即將米糠從粗硬嘅玄米表面輾走,再打磨成為囗感軟熟嘅白米, 好講究呀! 難怪比普通嘅壽司飯更煙韌! 點擊圖片放大 +4 鐵板燒日本地雞 原個鐵板上陣, 既可保持熱度,打卡相機食先都得! 地雞雞皮燒得香脆,肉質嫩滑又不失嚼勁, 醬汁香甜惹味,不錯吃! 海鮮土瓶湯 食完所有菜式之後,上個吸物就啱啱好! 海鮮土瓶湯用茶壺盛載, 既可保溫, 飲之前可以加幾滴檸檬汁,有助提鮮! 配料有大蝦、魚肉和菇菌, 入口帶濃郁菌香,鮮甜味美,值得一試! 整體來說, 呢個套餐幾抵食, 最重要係有同Asiamiles合作, 記住埋單嘅時候要順便草埋分呀! 點擊圖片放大 +4 地址: 丸十寿司日本食堂 (旺角) 旺角亞皆老街8號朗豪坊12樓13號舖 營業時間: 星期一至日:12:00-23:00