小編去過「老鍋」2次, 都覺得不錯吃, 算係係香港中數一數二嘅台式火鍋, 小妹話踏入轉季,想食d養生火鍋, 所以就帶小妹黎「老鍋」啦! 點擊圖片放大 +2 店內裝潢古色古香, 環境乾淨企理, 座位坐得舒適, 有雙人、四人卡座位。 店家有4款主打精選湯底:麻辣鍋、美人鍋、養生鍋和酸菜白肉鍋, 不過而家仲多左限定系列, 梗係要嚐嚐鮮啦! 點擊圖片放大 +4 原個椰青三黃雞鍋($168) 店員會係我地面前將原個椰青水倒入, 保證貨真價實! 椰青肉仲可以食埋添~ 鍋底仲有好多菜蔬如粟米、紅蘿蔔、椰子肉,好健康! 有半隻三黃雞, 皮爽肉嫩,又唔會太肥, 湯頭清甜味美,值得一試! 特級美國安格斯雪花肥牛($188) 牛肉份量都算合理, 雪花均勻,涮熟後入口爽嫩多汁,肉味豐腴! 甜不辣($38) 即叫即炸,熱辣辣, 蘸泰式辣醬,酸辣惹味! 小妹最鐘意食貢丸, 所以香菇貢丸($48)梗係要點啦! 爽口,鮮香多汁。 咸蛋黃炸魚皮($68) 即叫即炸,鹹香味濃, 淨食得,蘸湯食都得, 咸蛋黃控必試! 高山娃娃菜($48) 本來覺得個價錢幾貴, 不過原來我錯怪左佢, 一份份量超多,我諗足足有4-5棵菜, 新鮮爽脆,幾抵食! 寬粉條($38) 扁長條狀嘅寬粉條幼滑Q彈,煙煙韌韌, 夠煮不爛,又掛湯, 有正嘅湯底,一定要有吸湯嘅配料! 沖繩黑糖烏梅汁(原價$28/杯) 烏梅汁酸酸甜甜,生津解渴,去油膩。 杞子杭菊露(原價$28/杯) 入口香甜滋潤,打完邊爐怕燥熱,飲番杯就啱啱好啦! 值得一提嘅係, 而家店家係openrice做緊優惠, 可以$70買$100現金券,相當於7折, 仲要送多杯老鍋特色飲品,好抵喎! 原來真係有咁大隻蛤乸隨街跳架! 仲做緊宵夜優惠, 21:30後入座全部火鍋配料半價, 又有宵夜好去處啦! 地址: 老鍋台式火鍋 (銅鑼灣) 銅鑼灣駱克道491-499號京都廣場2樓 營業時間: 星期一至日:17:00-01:00