假期嘅時候同小妹去開九龍城hangout, 見到「酥妃皇后」從開業至今仲係屹立不倒(因為小編對上一次幫襯已經係剛開業,都有兩三年啦!), 就買個同小妹回味下~ 嘩,原來兩年以來都無加過價! 原味蛋撻都仲係$10一件,都算有人情味! 我地係外賣,拎到返屋企先食, 蛋撻酥皮依然鬆化! 蛋撻尺寸有半個手掌大, 酥皮層次分明,食落香脆鬆化, 中間有着色澤金黃、滑溜香甜嘅蛋心, 蛋味濃郁,值得一試! 地址: 酥妃皇后 (九龍城) 九龍城侯王道24號地舖 營業時間: 星期一至日:12:30-21:00