最近入秋開始涼涼地,

最啱打個暖笠笠邊爐啦!

之前曾經黎過旺角嘅「喜鍋 海鮮‧火鍋‧小廚 」,

覺得佢嘅火鍋湯底做得相當有水準,貨真價實,

火鍋配料都相當不錯,

同小妹去開旺角買野,

就再黎回味下啦!

火鍋店內裏裝潢雖然似普通嘅茶餐廳,

不過其實呢到麻雀雖小,但五臟俱全,

門外嘅水缸最能呈現呢到係有好多海鮮賣,

坐我地隔離嘅隔壁家仲食緊象拔蚌刺身,好正呀!

火鍋湯底選擇有18款之多,

上次食過花膠鯊魚骨膠原鍋,

今次就試下其他啦!

打邊爐先混個醬~

基本嘅醬料:生蒜、炸蒜、香蔥、芫茜、辣椒、辣椒油、麻醬。

胡椒濃湯豬骨煲($168

可能係小編打邊爐食過最濃嘅胡椒豬骨煲!

好多豬骨,而且仲有d軟腍入味嘅豬肉,

胡椒味香濃惹味!

有好多吸湯紅蘿蔔、粟米、蘿蔔作配料~

小編打邊爐建議落配料打邊爐之前,

飲多幾啖湯先!

頂級安格斯牛頸脊(小)($208)

比上次黎貴左$40,升幅還可以接受吧。

細份大概有18塊左右,兩個人食都算啱啱好!

牛肉油花分佈均勻,只需涮一涮,涮至變色即可。

牛肉肉質細嫩,肉香味美,

唔需要蘸任何醬汁,原汁原味已經好正!

四寶餃($68

有鮮蝦雲吞、鳳城水餃、爺孫餃、韮菜餃,

餃子唔係好大粒,

不過勝在自家製,餡料新鮮豐飽滿,

價格便宜,性價比高,

比較特別嘅係爺孫餃,

原來餡料係椰菜和酸菜,好特別嘅配搭!

韮菜餃嘅豬肉比例剛好,菜多肉少,鹹香味美!

頂級午餐肉($38

幾厚切,不過涮完之後肉質就會腍,

口感略為遜色,

所以小編覺得煎香左嘅午餐肉作火鍋配料會好食d

唐生菜($28)蓮藕($28

無加過價,份量都算合理,

鮮嫩爽脆,吸晒湯底精華,好滋味!

地址:喜鍋 海鮮‧火鍋‧小廚 (旺角)

旺角上海街428號地鋪

營業時間:星期一至日18:00-03:00

This entry was posted in 中國菜, 中式食譜, 九龍, 健康養生, 其他, 其他, 商務接待, 家常小菜, 家庭聚會, 情侶約會, 搵食優惠, 時令, 湯水, 火鍋, 特色餐廳, 甜品/飲品, 生日派對, 知己聚會, 零食, 食材 and tagged , , , , , , , , , , , , , , , , , , , , , . Bookmark the permalink.