搭叮叮經過灣仔嘅時候,

總會經過The Hennessy

無諗過上面有咁多間隱世餐廳,

原來最近開左間新派嘅日本料理餐廳,

主打Omakase 廚師發辦。

餐廳環境闊落,

有坐得舒適嘅卡坐位,

亦有可以同師傅近距離交流嘅吧檯,

可以望住師傅烹調嘅過程。

甫入座,

店員便送上每人一小杯welcome drink

係用鮮蘋果打成嘅沙冰呀!

味道天然香甜~

再來便送上多個精美玻璃杯比我地挑選,

作為盛載櫻花茶嘅器皿,

櫻花茶清香安神。

頭盤一上枱已先聲奪人,

煙燻鴨胸、煙燻蛋

只見預先注滿煙嘅玻璃罩,

打開時,仲聞到陣陣煙燻味,

從煙霧瀰漫中見到猶如擺設,鳥巢般造型嘅賣相,很別緻呢!

煙燻蛋仲貼心的已經將一半殼剝好,

入口有濃郁嘅煙燻香氣,

蛋黃呈半流心,正!

煙燻鴨胸煮得軟嫩。

第二道菜為牛油果他他,

係比較西式嘅fusion菜,

以半個牛油果皮盛載着滿滿的牛油果醬,

係以現打牛油果、芥末而成,

口感十分幼滑,帶芥末香,

內裏仲隱藏左骰子般大細嘅魚生粒,

有三文魚、鯛魚、甜蛋、青瓜,好豐富呀!

牛油果控必試!

和牛骨湯

從來無諗過師傅竟然會用咖啡虹吸壺製作湯,

以木魚花代替咖啡粉,

利用虹吸原理,萃取木魚嘅鮮味和香氣,

製作好嘅湯再配上牛丸、和牛尾骨、蓮藕,

香濃嘅牛湯加上木魚嘅鮮香,清甜味美。

鹽板烤日本豚肉

將鹽板置於小爐上,

再把豚肉、蔬菜放係鹽板上烤,

小編建議轉晒色就好食啦,

如果唔係就有可能會太鹹,

豚肉都係原汁原味好。

甘鯛立鱗燒

「立鱗燒」其實係指將甘鯛嘅魚鱗燒得「站起來」嘅料理技法。

呢種技法令魚鱗立層層交疊,猶如蜂巢立面,

魚鱗酥香脆,魚肉軟嫩,超好味!

再來係清新嘅柚子沙冰,

係食主菜之前清一清味蕾~

牡丹蝦豆紙壽司

以豆紙代替紫菜,有創意!

豆紙質地柔軟,

加上鮮味嘅牡丹蝦蓉壽司,

係創新嘅感覺。

燒三文魚壽司卷

Idea取自生菜包,

生菜包着輕輕炙燒過嘅三文魚柳,

魚柳迫出魚油,

加埋大蔥絲和芝麻醬等,好味道!

魚肝壽司

大大片魚肝配鍋巴,

集香、滑、脆於一身~

層次感豐富!

糯米包壽司

用葉片包着糯米,

感覺好似端午節會食嘅粽子,

糯米飯嘅質感煙煙韌韌,

可以蘸上旁邊新鮮嘅蟹肉蟹膏一齊食,香濃鮮味。

辣吞拿魚卷

包着香滑嘅吞拿魚蓉和爽脆嘅青瓜,

上面仲灑上香脆春卷皮,

加上香辣嘅醬汁,好惹味!

最後仲有甜品,

焦糖多士配抹茶雪糕

多士烤得香脆,面層灑上砂糖,香甜可口,

抹茶雪糕有香濃嘅抹茶香,

仲有pairing drink—提子梳打,微甜清爽。

地址:

UO n (灣仔)

灣仔軒尼詩道256The Hennessy 3

營業時間:

星期一至六:12:00-15:0018:00-23:00

星期日休息

This entry was posted in 主題餐廳, 健康養生, 其他, 名人食堂, 商務接待, 家庭聚會, 情侶約會, 應節食品, 搵食優惠, 日式菜, 時令, 湯水, 特色餐廳, 甜品/飲品, 甜品糖水, 生日派對, 知己聚會, 節日, 米芝蓮餐廳/廚師, 零食, 食材, 食療, 香港 and tagged , , , , , , , , , , , , , , , , , , , . Bookmark the permalink.