無諗過屋邨裏面竟然有咁抵食,食物質素又幾好嘅泰國菜,

最重要係便宜,

食物幾好食,又夠大份,性價比超高!

二人套餐包泰式小食、湯、主菜、蔬菜、甜品,

一個套餐有5款食物,都只係$318起,好抵呀!

泰式拼盤

有齊蝦餅、春卷、魚餅、雞肉丸,

每款有兩件,好豐富喎!

蝦餅外皮炸得香脆,爽彈美味!

春卷外皮酥脆,內裏嘅素餡口感豐富,

蘸上泰式酸甜醬更惹味!

魚餅散發着檸檬葉香氣,微辣惹味。

第一次食呢種泰式味道嘅雞肉丸,幾香香草味,不錯吃!

泰人大頭蝦冬陰湯

原鍋上陣嘅冬陰公,

仲要有火爐坐熱,

咁就唔使驚會食食下唔夠熱啦!

冬陰公入面配料好足,

有大蝦、蕃茄、菇類、香茅、檸檬葉、南薑等,

味道正宗,香甜酸辣,甘醇美味,正!

泰式脆香盲鰽伴青芒果沙律

無骨嘅盲鰽魚片炸至香脆可口,

淋上香甜微辣嘅醬汁,好惹味,

青芒果沙律爽甜味美。

之前小編係九龍城某泰國菜館食過類似嘅菜式,都要索價差不多$200一份,

雖然呢到嘅份量只係例牌,

但份量都好多,足夠兩個人食,

仲要套餐包埋,唔洗加錢換購,抵食!

馬拉盞炒通菜

好大份呀!

通菜新鮮爽脆,馬拉盞又夠惹味!

$50升級換購泰式鮮蝦金邊粉

又係好大份!

配料豐富,有好多隻蝦仁、豆乾、蛋絲、香菜等,

金邊粉均勻地沾滿醬汁,甜中帶酸,不錯吃!

二人套餐更可以優惠價加配飲品,

啤酒如勝獅啤酒、藍妹啤酒半價。

其他泰式飲品一直都做緊買一送一優惠,

青檸梳打、珍多冰都係,正呀喂!

仲要全日免加一,

真係好難得有集團式嘅餐廳咁抵得諗!

雖說係二人套餐,

不過份量多到三個人食都得!

所以其實同媽咪兩個人都真係食唔晒,

要打包比爸爸至得!

地址:

亞萊泰 (黃大仙)

黃大仙龍翔道136號黃大仙中心北館1N141號舖

營業時間:

星期一至日:07:00-23:00

This entry was posted in 九龍, 健康養生, 其他, 商務接待, 家常小菜, 家庭聚會, 情侶約會, 搵食優惠, 時令, 泰越菜, 特色餐廳, 甜品/飲品, 生日派對, 知己聚會, 零食, 食材 and tagged , , , , , , , , , , , , , , , , , , , . Bookmark the permalink.