同小妹係朗豪坊睇完戲,

就係朗豪坊搵食~

見到「丸十寿司日本食堂 」做緊優惠,幾抵喎!

而且小妹之前食過一次覺得幾好,

餐廳樓底高,空間感十足!

近期仲做緊XO和蛋黃哥主題,

身為蛋黃哥粉絲一定要黎朝聖!

恆生信用卡做緊套餐推廣優惠,

$630就可以食到原價$9005款美食,

咁抵梗係要食套餐啦!

丸十春日二人套餐($630

雜錦野菜沙律

唔好以為雜菜沙律無咩特別,

上面灑左勁多白飯魚,

沙律菜又夠新鮮爽脆,

配上酸酸甜甜嘅沙律醋,幾開胃!

豊洲特上刺身(5)

刺身好豐富,全部都好新鮮有光澤,

有中拖羅、 牡丹蝦、金目鯛、原隻赤貝、油甘魚,

當中以中拖羅最為出色,好肥美,油脂豐腴,入口即化;

好少係香港可以食到咁高質嘅拖羅,讚!

牡丹蝦好大隻,肉質爽彈,

油甘魚好厚身,魚油脂香,

金目鯛軟嫩爽彈~

丸十寿司盛合

有拖羅、帆立貝、海膽、牡丹蝦和池魚。

小編提提大家一定要食海膽先,

如果唔係紫菜就會好快腍!

海膽甘香清甜,算係幾新鮮!

帆立貝鮮甜味美,

牡丹蝦新鮮又大隻,入口軟嫩又不失口感。

最重要係壽司飯,既香又有米味,口感十足!

全靠店家用上「精米」—即將米糠從粗硬嘅玄米表面輾走,再打磨成為囗感軟熟嘅白米

好講究呀!

難怪比普通嘅壽司飯更煙韌!

鐵板燒日本地雞

原個鐵板上陣,

既可保持熱度,打卡相機食先都得!

地雞雞皮燒得香脆,肉質嫩滑又不失嚼勁,

醬汁香甜惹味,不錯吃!

海鮮土瓶湯

食完所有菜式之後,上個吸物就啱啱好!

海鮮土瓶湯用茶壺盛載

既可保溫,

飲之前可以加幾滴檸檬汁,有助提鮮!

配料有大蝦、魚肉和菇菌,

入口帶濃郁菌香,鮮甜味美,值得一試!

整體來說,

呢個套餐幾抵食,

最重要係有同Asiamiles合作,

記住埋單嘅時候要順便草埋分呀!

地址:

丸十寿司日本食堂 (旺角)

旺角亞皆老街8號朗豪坊1213號舖

營業時間:

星期一至日:12:00-23:00

This entry was posted in 主題餐廳, 九龍, 健康養生, 商務接待, 家庭聚會, 情侶約會, 搵食優惠, 日式菜, 時令, 特色餐廳, 甜品/飲品, 甜品糖水, 生日派對, 知己聚會, 零食, 食材 and tagged , , , , , , , , , , , , , , , , , , , , , . Bookmark the permalink.