之前去過佐敦「寶哥火鍋味館」,

可以任食刺身、海鮮同打邊爐,

仲要有紅、白酒任飲,覺得好抵食!

原來而家係旺角開左新分店,

梗係要黎捧下場啦!

而家仲做緊優惠,

可以$198歎原價$298兩小時半任食火鍋,

仲可以自選7款時令鮮、8款升級配料,如滋補花膠仔、手切封門柳牛肉、頂級安格斯牛小排、日本黑豚肉等,

仲有超過40款火鍋配料任食。

湯底方面,都有好多選擇。

有古法麻辣鍋、秘製豬骨湯、皮蛋芫茜豆腐湯等傳統款式,

仲有其他特色火鍋湯底如寶寶香辣鍋、咸菜胡椒豬肚湯、猴頭菇鯊魚骨湯、蟲草花水鴨湯。

蟲草花水鴨湯

有半隻水鴨係裏面,好足料呀!

蟲草花、水鴨滋陰潤肺,補肝腎,補而不燥,

飲落去清甜味美,

用黎打邊爐就夠晒健康,

連湯底都飲得。

7款時令海鮮

有海蝦、深海龍躉肉、蘇格蘭蟶子皇、活鮑魚、貴妃蚌、活刀貝、大蜆等,

蘇格蘭蟶子皇雖然細隻,

但勝在肥美厚肉,鮮甜多汁,

貴妃蚌、活刀貝、大蜆都好新鮮,

全部都鮮甜爽口。

8款升級配料其實好多款都好吸引~

 手切封門柳牛肉

識食一定係食封門柳啦!

封門柳係牛橫膈膜嘅肌肉,

每隻牛只有兩塊,

肉味全牛最濃,鮮香甘甜味美!

頂級安格斯牛小排

肉質鮮嫩多汁,入口細嫩,

紋理如大理石般分佈於肉上,油脂豐富~必試!

本地新鮮牛舌

雖然係比較薄切,

但肉香十足,口感又夠爽脆,值得一試!

豬展筋

小編飲湯最鐘意食豬展筋,

估唔到竟然會有咁罕有嘅配料!

涮耐d會更加軟腍入味,口感滑嘟嘟,正!

即炸響鈴

真係即叫即炸,香脆可口,

唔會太油膩,不錯吃!

爽脆白鱔片

爽脆彈牙,有夠嚼勁,

不過一份得兩片,有d唔夠喉。

雞毛鴨血

有薄薄四片,

雖然好嫩滑,但真係食得唔過癮。

日本黑豚肉

一份有四片,都算符合性價比,

黑豚肉脂肪含量比較低,肉質鬆軟。

仲有超過40款任點任食嘅火鍋配料,

招牌韮菜餃

一睇就知道有幾多韮菜餡係裏面,

韮菜和豬肉比例剛好,

菜多肉少,鹹香味美。

忘不了魚皮餃

呢到嘅魚皮餃好大粒呀!

皮薄餡靚,

鮮蝦雲吞

有原隻蝦係裏面,

豬肉餡不會太肥,

仲有比較少見嘅鮮淮山

馬尾粉絲

個湯底咁正,梗係要食個吸湯粉絲啦~

飲品方面,

加$38就可以任飲,

除左有汽水、果汁、茗茶外,

仲有韓國燒酒,正呀!

啱晒我呢個酒鬼~

地址:

寶哥火鍋 (旺角)

旺角花園街75-77號花園商業大廈1樓

營業時間:

星期一至日:8:00-17:00,18:00-2:30

This entry was posted in 中國菜, 中式食譜, 九龍, 健康養生, 其他, 商務接待, 家常小菜, 家庭聚會, 情侶約會, 搵食優惠, 時令, 東南亞菜, 湯水, 火鍋, 特色餐廳, 生日派對, 知己聚會, 自助餐/放題, 零食, 食材, 食療 and tagged , , , , , , , , , , , , , , , , , , , , , , . Bookmark the permalink.