風靡萬千少女心嘅「軟Q」鮮奶麻糬最近出左新口味—Oreo啦, 梗係要帶小妹再check in過啦! 食台灣菜梗係要食蛋餅啦! 上次我地食左明太子櫻花蝦味, 今次就試下松露玉米蛋餅($68)啦! 金黃色嘅蛋餅, 加上惹味嘅松露醬, 包着芝士和玉米,幾有咬口, 不過相對下,小編都係比較鐘意明太子櫻花蝦多d~ 手繪雙色鹽酥雞($88) 鹽酥雞超級熱辣辣炸起, 外皮酥脆,炸皮厚薄適中,皮脆肉嫩,正! 旁邊配上惹味黑松露醬和香甜柚子醬, 一次過試晒兩種口味, 連唔鐘意食炸雞嘅小妹都覺得好食,值得一試! 上次食左鮮蟹肉麻婆豆腐撈麵($138), 覺得好正, 今次就再嚟食過返尋味! 不過今次冇上次咁好食, 可能係麵條同醬汁嘅比例唔太balance, 有d麵條唔夠汁就有d乾, 不過麵條依舊爽彈有口感, 秘製麻婆豆腐鹹香惹味, 肉碎幾有咬口,豆腐嫩滑, 最重要係鋪滿鮮蟹肉,啖啖肉,正! 溏心蛋滷肉飯($48) 肥而不膩嘅豬肉加上香濃嘅醬汁, 超下飯又美味! 加上半熟嘅滷溏心蛋,下飯一流! 最後梗係唔少得Oreo 奶奶麻糬($75) 麻糬同oreo都係小妹最愛, 選用日本4.3牛奶製作, 無加糯米嘅鮮奶麻糬, 店家仲有份小教學比食客自己整~ 食之前將麻糬放係鋪滿oreo嘅圓碟上, 用雙筷拉起麻糬,將麻糬沾滿oreo,咁就食得啦! 鮮奶麻糬奶香濃郁, 無一般麻糬嘅煙韌,但係口感Q彈幼滑, 麻糬控不可以錯過! 好食之餘,趣味性又高! 周董J Chou($95) 以菊花infused 嘅gin作base, 令我諗起周杰倫唱嘅菊花台, 「菊花殘滿地傷 你的笑容已泛黃 花落人斷腸 我心事靜靜躺」~ 加上蛋白嘅點綴, 令到雞尾酒入口更香更滑~哎喲不錯啊! 經典珍珠奶茶($42) 茶底和鮮奶互相配合剛好, 唔會互相蓋過味道, 加上煙煙韌韌嘅珍珠,完美嘅配搭! 點擊圖片放大 +7 地址: Check-In Taipei (中環) 中環蘇豪荷李活道27號地舖 營業時間: 星期一至三:11:45-15:00,18:00-22:30 星期四、五:11:45-15:00,18:00-23:30 星期六:12:00-16:00,18:00-23:30 星期日休息