係香港想食正宗嘅重慶麻辣火鍋, 咁就要試下佐敦「二家姐正宗重慶麻辣火鍋」! 見網上介紹知道呢間火鍋店嘅火鍋湯底取材都係由重慶入口, 而且係由重慶師傅「二家姐」親手調製。 想過下麻辣癮,真係要去試下! 餐廳裝潢古色古香, 由吊燈設計至牆壁圖畫, 都睇得出店家好有心思! 重慶麻辣鴛鴦鍋($128) 麻辣鍋辣度可自行挑選, 由大麻、中麻、小麻、大辣、中辣、小辣,任君選擇, 因為小編驚會好辣, 所以就揀左小辣, 不過如果食開譚字米線小辣的話, 應該好似小編咁覺得唔係好夠辣吧, 但注意,麻辣火鍋係會越食越辣嘅, 以上,大家可以參考下啦。 麻辣香味十分濃郁, 先辣後麻,有陣陣花椒香, 麻勁和辣勁兼備! 另一鍋可選香茜皮蛋或藥膳清湯, 而我地就揀左感覺特別d嘅藥膳清湯。 呢到仲有好多特色火鍋配料, 有牛波子(即牛睾丸)、牛鞭、牛脆骨、深海龍躉皮、烏頭扣、豬黃喉、花雕豬腦、自家製的瀨尿蝦墨丸、鵝肝潤腸蝦丸等, 都係其他火鍋店不常見的, 海鮮和鮮魚刺身都相當有名。 點擊圖片放大 +3 白鱔片($88) 一份有9片,份量足! 顔色晶瑩剔透,非常新鮮!似係即叫即切! 可能係小編係火鍋店中食過最新鮮derrrr~ 魚油脂香,口感軟嫩,嚼勁十足,正! 安格斯牛頸脊(中)($168) 牛頸脊份量都算合理, 牛肉油花分佈均勻密集, 肉質細嫩,軟腍又不失嚼勁,不錯吃! 呢到有好多自家製手打丸, 款式相當特別, 有瀨尿蝦墨丸、鹹蛋黃墨丸、特濃芝士蝦丸等。 我地揀左鵝肝潤腸蝦丸($88) 蝦丸雖然其貌不揚,但內涵十足! 而且係即叫即包,保證新鮮! 鮮蝦打至膠狀,中間釀入潤腸粒, 鹹香惹味,不過鵝肝就唔太食得到,但都值得推薦! 食四川火鍋,一定要食四川粉皮($28)! 可以吸晒麻辣湯嘅湯汁, 香辣惹味! 加上口感煙煙韌韌,正! 地址: 二家姐正宗原味麻辣火鍋 (佐敦) 佐敦文英街16號地舖 營業時間: 星期一至日:18:00-3:00