食左咁多次「HeSheEat」, 小編都係第一次去荃灣分店, 全店以粉紅色為主調, 加上「HeSheEat」招牌大紅唇, 少女心爆棚,打卡一流! 除咗裝修靚, 食物一樣保持水準,賣相味道兼備, 不過有d菜式就同其他分店有所不同。 就好似小編最鐘意食嘅蟹肉蕃茄牛油果沙律 ($88), 價錢係平d,分量相對上少d, 但沙律嘅味道一如既往嘅美味, 沙律長方形嘅賣相精美! 最底層係軟滑嘅牛油果醬, 第二層係拆左骨啖啖肉、鮮甜味美嘅蟹肉, 最頂層係酸甜清新嘅蕃茄粒, 淨食得, 又可以將沙律塗上脆片上一齊食, 味道和口感都好有層次感! 值得一讚嘅係伴碟採用脆片而非多士, 感覺無咁飽濟,好似nachos咁,正! 不過脆片份量多d就更好啦! #永遠不會失望嘅蟹肉蕃茄牛油果沙律 海鮮紅花意大利飯($128) 一上枱時,意大利飯上舖滿海鮮, 有青口,帶子、魷魚、鮮蝦等, 材料十分豐富! 意大利飯炆煮得入味,軟硬適中,又不失嚼勁,好有咬口! 醬汁酸酸甜甜,幾醒胃,值得一試! 焗龍蝦仔黑魚子牛角包($96) 嘩,份量超足! 黑魚子非常多,可以店家幾真材實料, 入口鹹香,又增添口感! 牛角包焗得香脆可口, 龍蝦仔沙律夾係牛角包中間, 份量毫不吝嗇,肉質鮮味爽彈,正! 旁邊有雜菜沙律,可以解解膩呢~ 不過,係第二間分店會有埋薯條做配菜, 但係呢到就無,不過價錢都係相對地平左, 始終都有點失望呢~ 點擊圖片放大 墨西哥青醬和牛漢堡($98) 漢堡包都大份,而且餡料豐富! 上層塗滿墨西哥辣醬,醬汁酸辣惹味, 仲有芝士、厚和牛漢堡、蕃茄等, 值得一提嘅係厚和牛漢堡好juicy,肉香味美, 旁邊配上沙律菜, 不過始終都係覺得配薯菜仲正! #估唔到HeSheEat都有burger食 牛油果鮮奶沙冰($40) 色澤翠綠,口感綿滑, 味道清新creamy,啱晒夏天飲! 綠茶心太軟配綠茶雪糕($65) 每次切開心太軟都覺得好治癒~ 綠茶軟心緩緩流出來,味道香濃回甘, 加上清新嘅豆腐雪糕, 可以中和一下心太軟嘅膩感, 沾上開心果碎一起吃,更增口感呢! #超濃郁抹茶流心心太軟 拖肥香蕉配焦糖雪糕 厚焗鬆餅($65) 鬆餅有足足3-4cm厚,外脆內酥軟, 配上旁邊嘅楓糖漿、拖肥漿和蘸上Haagen-dazs焦糖雪糕一齊食~正! 焦糖香蕉香甜美味,完全唔夠喉! 點擊圖片放大 +4 地址: HeSheEat (荃灣) 荃灣蕙荃路22-26號綠楊坊地下G15-16舗 營業時間: 星期一至日:11:00-22:30