之前去過銅鑼灣分店食,

覺得相當不錯,

所以今次再帶媽咪黎尖沙咀分店食過返尋味!

餐廳和銅鑼灣店一樣,

裝潢古色古香,

以一室室雅座間開,私隱度十足~

有4款主打精選湯底:麻辣鍋、美人鍋、養生鍋和酸菜白肉鍋,各具特色。

醬料係自助嘅,

基本嘅炒蒜、香蔥、芫茜、辣椒都有,

仲有充滿台灣特色嘅蒜泥汁呢!

上次食左美人鍋,

今次就試下尚膳養生鍋($228)啦!

用多款藥材、人蔘,和火腿、老雞、豬肉熬製而成,

材料十分豐富!

真係唔係講笑,睇下幾大支蔘!

而且越煲越出味,

湯頭清甜甘香,正!

湯底本來仲有好多菜蔬如粟米、蜂巢凍豆腐、鮮冬菇係裏面,

吸晒湯嘅精華,好味道!

鵝肝墨魚丸(半份)、黑松露蝦丸(半份)($58)

兩款自家製手打丸口感爽彈,

鵝肝墨魚丸比較特別,真係食到有鵝肝係裏面,

黑松露蝦丸黑松露味突出,蝦嘅鮮味也不會被蓋過,正!

皇室魚肚($88)

足足2cm厚嘅魚肚,含豐富膠原蛋白,

吸晒湯嘅精華,好滋味!

精選手切牛肩肉($198)

色澤紅潤,油花不多,

口感細嫩爽滑,肉香濃郁,又有嚼勁,牛魔王不可錯過!

三秒響鈴卷($68)

真係即叫即炸!

入口酥脆,重點係唔會太油,正!

羽衣甘藍($68)

係近年大熱健康食品,

據說有抗癌嘅功效,

口感爽脆,菜味濃郁!

寬粉條($38)

扁長條狀嘅寬粉條幼滑Q彈,煙煙韌韌,

夠煮不爛,又好掛湯,

有咁正嘅湯底,一定要有吸湯嘅配料!

沖繩黑糖烏梅汁($28/杯)

烏梅汁酸酸甜甜,生津解渴,去油膩就啱晒啦!

杞子杭菊露($28/杯)

入口香甜滋潤,打完邊爐怕燥熱,飲番杯就剛好!

整體來說,

食過兩間分店,都相當不錯,

不過小編就比較鐘意尖沙咀分店,

因為湯底好似濃味d,食材又夠新鮮,

下次一定再黎!

地址:

老鍋台式火鍋 (尖沙咀)

尖沙咀金馬倫道2-4號利達行4樓

營業時間:

星期一至日:17:00-01:00

This entry was posted in 主題餐廳, 九龍, 健康養生, 其他, 其他亞洲菜, 商務接待, 家常小菜, 家庭聚會, 情侶約會, 時令, 湯水, 火鍋, 特色餐廳, 生日派對, 知己聚會, 食材, 食療 and tagged , , , , , , , , , , , , , , , , , , , . Bookmark the permalink.