同同事係阿士厘道收工,

就去樓下嘅「博多拉麵別天神」食個拉麵啦!

餐廳裝潢如日本傳統拉麵店,

除了中間方枱可供小夥人一起吃之外,

當然少不了和拉麵師傅零距離嘅吧㘆,

可以望住師傅親手為你烹調美食,感覺很親近。

不過因為時候尚早嘅關係,

我地就坐住好寬敞嘅方枱先~

「別天神」提供拉麵款式不多,

食左咁多年,

都係從一而終嘅兩款拉麵:豚骨拉麵、蝦味噌豚骨拉麵,

不過都代表着餐廳夠專嘅!

如果一碗拉麵唔夠喉,

可以搭配一款迷利小食轉為套餐,$105起。

小龍蝦蟹籽沙律

面頭放滿黃色卜卜脆嘅蟹籽,

裡面還藏着粒粒爽口彈牙嘅龍蝦肉,

口感相當有層次!

淨食得,

另一種食法就可以同用旁邊嘅紫菜包住一齊食,

香脆紫菜配上清新香甜嘅沙律,

造成鮮明嘅對比,又係另一番風味!

餃子

跟餐嘅餃子有4隻,

外皮煎得香口,餃子皮薄,菜肉比例剛好,

都算值得一試!

蝦味噌豚骨拉麵($85

食拉麵最重要嘅就係湯底!

先呷一口湯,蝦味噌豚骨湯底呈金黃色,

入口香濃順滑,帶少許黏口嘅感覺,

味道比豚骨湯底多了一份鹹鮮,

幼拉麵軟硬適中,幾掛湯,

叉燒則比較瘦

如果肥少少就會更軟硬適中吧。

日本半熟蛋蛋黃呈半熟流心狀蛋香濃郁,正!

配菜粟米和櫻花蝦份量好大方!

櫻花蝦鮮甜有嚼勁,

粟米粒粒香甜可口。

豚骨拉麵($75

豚骨湯底呈奶白色,

面層不泛油,但依然香醇濃稠,

幼拉麵和日本半熟蛋保持水準,

配料木耳爽口,和拉麵一齊食更添層次感,

唯叉燒有待改善。

另外,

店家仲有調味推薦,可自行調製隱藏口味,

可以加七味粉、辣芽菜、蒜蓉變特辣版,

又可以加拉麵汁、蒜蓉、辣芽菜變特濃版,

雖然款式不變,

但味道卻可以變化多端!

地址:

博多拉麵別天神 (尖沙咀)

尖沙咀阿士厘道24號天星大廈地下A1地舖

營業時間:

星期一至日: 12:00-15:3018:00-22:30

This entry was posted in 九龍, 家庭聚會, 情侶約會, 日式菜, 時令, 特色餐廳, 知己聚會, 零食, 食材 and tagged , , , , , , , , , , , , , , . Bookmark the permalink.