同小妹係大窩口食完小食唔夠飽,

係網上搵到呢間隱世甜品小店Ideas Dessert 」,

住荃灣地膽話呢間甜品款式多,

環境優雅,坐得舒適,

唔會似荃灣個邊嘅糖水舖咁,食完就要即刻走,就去試試。

第一次黎梗係要食最top啦!

所以我地係top 10入面揀3款試下~

伯爵茶心太軟配3.6牛奶雪糕($60)

等候期間,廚房已飄出陣陣伯爵茶味!

熱辣辣嘅心太軟,

一切開伯爵茶漿便緩緩流出,

食落茶味濃郁,濃得黎又唔會有苦澀味,

配上奶味香濃嘅3.6牛奶雪糕,絕對要食過返尋味!

草莓法式千層酥配豆腐雪糕($50)

雖然草莓量不多,

但原來吉士醬才是重點!

千層酥皮香口鬆脆,

吉士醬奶香味好重,又唔會太甜,

小編最欣賞豆腐雪糕,

雪糕口感軟滑,入口淡淡豆腐香~

翡翠冰島($50)

作為綠茶控,食甜品點少得綠茶呀!

刨冰旁邊有抹茶啫喱,白玉和紅豆蓉,

上面有抹茶拼3.6牛奶雪糕,非常豐富。

抹茶啫喱味道清香,

咀嚼時有淡淡抹茶味,又唔會太苦澀,不錯吃!

白玉煙煙韌韌,紅豆又甜又大粒,用料絕不馬虎!

雪糕軟滑,和刨冰成了一體,變成抹茶牛奶冰,消暑一流!

地址:

Ideas Dessert (荃灣)

荃灣荃貴街10A號富麗花園商場A座地下13B15號舖

營業時間:

星期一至四:13:00-00:30

星期五至日及公眾假期:13:00-1:00

This entry was posted in 中國菜, 其他, 商務接待, 家庭聚會, 情侶約會, 新界, 時令, 烘焙, 特色餐廳, 甜品/飲品, 甜品糖水, 生日派對, 知己聚會, 零食, 食材 and tagged , , , , , , , , , , , , , , , , , , , , , . Bookmark the permalink.