小編成日都覺得好難諗係旺角食咩好, 因為有太多伏味濃嘅餐廳。 不過之前見雅蘭中心開左間新餐廳—「意粉狂熱 PASTAHOLIC」, 朋友試過話唔錯, 剛好和小妹去開旺角買野,就試下啦! 嘩,原來都幾多食客架喎! 要等位架!不過好快就到我地啦~ 餐廳格局寬敞, 感覺像家庭式餐廳, 用上木桌椅,給人一種悠閒舒適的感覺。 顧名思義,「意粉狂熱」當然係主打意粉! 意粉有 6 個系列可選擇:蕃茄、忌廉、蒜香橄欖油、羅勒忌廉、和風和homemade系列。 除左意粉之外, 仲有沙律、小食、披薩、飯、扒類和甜品等, 食物種類都幾多元化! 點擊圖片放大 +5 意粉可加$9升級份量, 飯類和披薩則設有小、大份量, 而且仲有套餐呢! 不論倆口子還是三五成群, 都可以一次過品嚐多幾款不同的菜式,幾貼心喎! 法式芝士洋蔥湯($38) 洋蔥熬出香噴噴的濃湯, 配上香濃的融化芝士和吸晒湯汁的麵包, 口感層次豐富!「芝」味滿溢~ 南瓜粟米忌廉湯($28) 南瓜湯味道香濃,啖啖南瓜蓉和粟米粒~ 小編就覺得豪華 5 式拼盤($168)係最抵食,性價比係最高! 海蝦牛油果法包多士 多士烤得香脆可口, 配上肉質鮮美嘅海蝦和軟熟嘅牛油果, 味道相當夾! 拼成花一樣帕爾馬火腿擺設精美, 不過略嫌Oliver Oil太多了。 芝心帕爾馬火腿薯茸球 外皮炸得脆口, 裏面嘅薯肉鬆軟, 加上惹味芝心和parma ham嘅鹹香, 幾好食喎! 意式炸魷魚圈配他他汁 厚切魷魚圈口感有嚼勁。 焗釀帶子珍寶大啡菇 大啡菇勁juicy, 裏面釀着帶子和菇,面頭更灑上矜貴嘅飛魚子, 好味道! 精選海鮮蒜香蕃茄意粉($88) 海鮮有大蝦、魷魚和青口,份量都幾多~ 意粉和海鮮沾滿秘製蕃茄醬汁,蒜香惹味! 點擊圖片放大 牛肉雜菌壽喜燒風披薩($78) 沒想過日本傳統火鍋壽喜燒和pizza可結合呢! 好新穎嘅配搭呀! 每一口都有着和風壽喜燒牛肉的香甜嘅味道, 加上其他壽喜燒必備嘅配料如半熟蛋和長蔥等, 壽喜燒完全被呈現眼前~ 香蕉朱古力披薩($58) 薄餅薄脆, 加上軟熟香蕉和香濃朱古力雪糕完美配搭, 真的很美味! Apple Tango English Tea($38) 原個茶壺上陣,以呢個價錢來說都幾抵飲, 蘋果味幾香,又唔會太假。 Matcha Frozen($53) 抹茶味香濃,沙冰質地都算軟綿,值得一試! 整體來說, 以大眾化的價錢, 可品嚐意日fusion菜, 環境坐得舒適,食物質素又不錯, 值得一試! 地址: 意粉狂熱 (旺角) 旺角彌敦道639號雅蘭中心2樓208號舖 營業時間: 星期一至日:11:30-22:30