曼谷呢幾年飲食業發展超速, 連埋咖啡都一樣。 而家去果度 3 日coffee hopping 都飲唔哂呀! 好多店除左咖啡好, 食物好之外, 有d 仲有正的影相位! 亦都係當地hit hit 地既Coffee shops! Boyy & Son Cafe 如果你有留意泰國潮牌BOYY 又對佢十分欣賞的話, 黎到 Boyy & Son Cafe你一定會好歡喜。 咖啡店位於Gaysorn Village 內, 毗鄰 BOYY 曼谷Flagship。 秉承品牌特色, 店內設計走低調的簡約型格路線, 同時亦加入一點點意大利的復古味道。由傢俬到杯碟用具,你都會睇得出花左唔少心機, 基本上360度零死角! 所以無論由內到外, 都吸引左唔少人黎影相。 不過由於座位數唔係好多, 所以可能要排一陣隊。咖啡同非咖啡類飲品都不錯,但食物選擇只有少量,所以建議唔好餓住去啦。附近係 Central World 同我地中意換錢的Super Rich。行完街街, 或者身水身汗行去唱錢坐底飲杯野就 perfect 池啦。 地址: Gaysorn Village, G/F, Ploen Chit Road, Lumpini, Patumwan, Bangkok 營業時間: Mon - Sun / 9am - 8pm 電話: +66 0-2253-8300 IG: boyyandsoncafe 前往方法: 1. Chit Lom BTS 站下車, 向Central World 方向走約 4分鐘, 2. Siam 站落車,穿過往Central World 的行人天橋, 過對面馬路 Factory Coffee - Bangkok 相信咖啡行內對呢間 Coffee shop 都有一定唔會陌生。因為佢地曾經係國內外都得到過唔少獎項。無論你想飲普通 Espresso咖啡如: Latte, Flat White, Cappuccino etc.、招牌創意咖啡(部份更會行埋黎沖比你睇)、手沖、買豆、 Cold brew bottle 同 White coffee bottle 都一應俱全, 而且蛋糕同牛角酥都係行外國風的吸晴。 Signature coffee: Supreme 是必試的! (而家Presentation 略有不同) Signature coffee: White Citrus (Infused coffee with milk - Citrus & vanilla) hmm.. 呢杯好唔好飲就見仁見智啦。 本人不太好有橙味的咖啡。 地址: 49 Phayathai Rd, Khwaeng Thanon Phaya Thai, Khet Ratchathewi, Krung Thep Maha Nakhon 10400, Thailand 營業時間: Mon - Sun / 8am - 6pm 電話: +66 80 958 8050 IG: factorybkk 前往方法: Phaya Thai BTS Station Exit 2, 往 Victory Monument 方向走 5 分鐘 見到Let's Relax 轉入去, 係Hotel Tranz 旁邊 ( 由於Google map 未update 到佢新地址, 所以我加埋佢地官方出既地圖係下面) 圖片來源: Factory Coffee - Bangkok Eureka Nitro Coffee Eureka在泰國人圈內係一家知名度幾高的咖啡店, 2017 年到而家已經開左 4 間分店。我土生土長既泰國朋友大力介紹, 但泰國風味比較重, 所以未必個個都接受到。Eureka Nitro Coffee, 顧名思義係有nitro coffee 售賣 (據稱是泰國第一間Nitro coffee tap bar)。入到店內, 你會見到bar上面有幾個 Tap, 唔好誤會係啤酒黎呀, 全部都係serve nitro drinks。 雖然話係咖啡店, 但佢地 menu 主要分為三大類 - 咖啡、茶同解暑飲品。 講到店最獨特之處毫無疑問一定係部份自家特別創作既飲品, 佢地巧妙地將本地食材融入其中 e.g 木瓜、 蛋黃、榴槤同蝶豆花等等。 Kai Kem Latte : Kai Kem 係泰文解作鹹蛋黃, 嗯.. 所以無懸念, 呢杯就是鹹蛋黃Latte。 由於本人就唔食蛋黃, 所以就無點到呢杯Signature, 不過之後有朋友黎試完, 話個味有d 似月餅 (解釋返: 面頭黃色一堆果d 都係蛋黃, 但係甜的, 係泰國本身一種甜點食材)。 同朋友分別點左杯 Papaya White Chocolate Cold Brew (左) 同埋Butterfly Pea Lemonade(右) 木瓜果杯有驚喜, 三樣野夾埋產生既化學作用比我想像來黎合拍。另一杯就, 平平安安, 有驚無險。 地址: 14/7 Soi Sathorn 15 Yan Nawa, Sathon, Krung Thep Maha Nakhon 10120, Thailand 營業時間: Mon - Sun / 9am - 6pm 電話: +66 92 449 9895 IG: eurekanitrocoffee 前往方法: 1. Sala Daeng BTS 站 exit 4, 走大概 11 分鐘 2. Lumphini MRT 站 exit 2, 走大概 7 分鐘 KOF (Grab & Go) 一就不離二啦, 附近So Sofitel Hotel Lobby 入面有間網紅coffee shop, 最出名就係 Kone Latte, 即係雪糕桶裝住 Latte。由於係Grab & Go , 所以旁邊只係放置左少量的座位, 不過 Lobby 既裝修好有現代藝術感。酒店內外周圍都有比你 chok 住影相既位置。 點擊圖片放大 地址: 6, 1 N Sathon Rd, Khwaeng Silom, Khet Bang Rak Thailand (So Sofitel Bangkok) 營業時間: Mon - Sun / 7am - 8pm 電話: +66 99 150 6301 IG: kofbkk 前往方法: Lumphini MRT 站 exit 2, 走大概 4 分鐘 ======================================================== Instagram & Blog Instagram: yungssoul Blog: https://flyyoursoul.blogspot.com/