提起越南既酒店,相信唔小人都聽過或睇過人影相打卡 峴港間洲際有幾靚, 不過小編今次就唔係去峴港,而係去洲際集團係越南剛剛7月開業既富國長灘洲際度假酒店, 富國島係越南第一大島,由胡志明市乘內陸機前來需時40分鐘, 由於係香港係未有直航前來,所以現時都係比較冷門, 富國島作為較新既旅遊區好多配套都未有其他城市完善,網上資訊都唔多 但係小編去過後反而喜歡上呢到既簡單,遠離塵囂既感覺 富國島資訊不多,加上是次入住既洲際酒店不在市區,所以一早便預訂了酒店車來機場接送, 拎完行李後不遠處便見酒店職員舉牌,酒店除了派來司機外還有多一個職員幫手拎行李及沿途作小講介 點擊圖片放大 酒店車新淨企理,有支裝水,冷毛巾及小食提供,當中呢隻姜糖味道不錯 十多分鐘後便到了酒店,附近是什麼都沒有,很多還在建築中, 由機場前來的話,除了酒店車便是的士,沒有其他公共交通, 所以呢幾日後既交通都係好簡單,全程的士搞掂 此升降機是前往富國島最高的sky bar 點擊圖片放大 酒店大堂,剛好係黃昏時段,外面景色相當靚 check in 時奉上welcome drink 有講解酒店資訊及提供的活動 富國島洲際都唔細,客房有分幾座, check in後會有職員帶去房間 入房啦,今次住宿係最基本型的seaview房, 房間空間十足,有約5百多呎,一般酒店的話可能已經係mini suite的了 迎賓水果及糕點 床頭都有插頭位及usb位方便叉電 有不同pillow可供選擇, 酒店職員在晚上亦會擺上小卡提示明天天氣 房間 minibar 點擊圖片放大 有咖啡機提供 浴室有淋浴都有浴缸, 不過作為新既5星酒店如有雙洗手盤的話會更好 點擊圖片放大 +2 浴缸個景不錯,外望泳池及海景, 黃昏時睇住景浸下浴幾好, 不過要注意玻璃不是單面的,外面人有機會望到浴室 沐浴用品方面選用上 harnn 品牌, 兼且大方給大支裝100ml的,不是平時小小的一支 點擊圖片放大 +2 房間還有衣帽間, 提供的拖鞋質料厚身,穿起來十分舒適 點擊圖片放大 房間附有露台,一早一晚景色各有不同, 晚上出來抖抖涼不錯,中午就略嫌太熱 以下介紹酒店其他設施,首先去了sky bar, 富國島洲際擁有全富國島最高建築,不過晚上來時沒什麼景色,因為周圍都仲起緊, 建議黃昏時來睇日落就最合適 點擊圖片放大 +2 酒店gym設備當然豐富,應有盡有 點擊圖片放大 +5 酒店商務中心 為於大堂旁的resort center, 係呢到有職員提供當地旅遊及local tour 資訊, 亦有mac提供及可以係到玩下桌上遊戲 點擊圖片放大 酒店最低層仲有遊戲室,有機打,有pool table,足球機等等 點擊圖片放大 黎得富國島既渡假酒店,泳池點小得, 呢到既主池都有分兩層,水深及長度都適合游水, 入住既客人不多,不會太迫,泳池旁既太陽椅都十分充足 點擊圖片放大 +2 呢到仲有圓形的daybed,不小人都係到影靚相打下卡 泳池旁都有提供沖身 酒店仲有專俾小朋友玩既池,有滑梯之類的, 不過好像需另付費,如入住選有club benefits的話可免費享用 點擊圖片放大 酒店除左有靚泳池,當然仲有靚沙灘, 沙灘d沙十分幼滑,赤字腳走都可以 點擊圖片放大 +2 在沙灘hea 下坐下等日落,影靚相,悠閒的便過了一個下午 點擊圖片放大 +3 再來介紹酒店餐飲,在泳池旁有pool side bar 沙灘旁餐廳,晚上有提供bbq,但不是buffet, 亦有dj打碟,唔食飯都可以係到對住個海聽下歌飲一杯 酒店主餐廳,晚上會提供日式fusion 菜 大堂旁既小cafe 小編唔多係酒店餐廳用餐,反而多叫room service, 質數唔錯,選擇亦好似多過係餐廳叫 點擊圖片放大 +2 日日都訓到自然醒,所以沒加酒店自助早餐,都係 room service 搞掂 酒店spa 係同 harrn 合作,價錢比當地一定係貴d, 不過對於洲際既標準就相宜,環境都幾靚,鐘意做spa既值得一來 點擊圖片放大 網上圖片 住後感,總體滿意,房間及設施新浄企理, 沙灘,sky bar等有好多靚影相位, 酒店人員服務水平及英文能力都好好,溝通沒有問題, 餐飲方面如果再多些選擇會更好,不過仲有一間餐廳未開,遲下應該會好d, 酒店附近暫時係咩都無,包括便利店及餐廳,全部都仲起緊,起碼都要等多幾年先會有完善既配套, 酒店外出需要搭的士,雖價錢不貴,但如有提供shuttle去市區會更好,更方便住客, 現時係適合一些享受寧靜渡假既人,如果寄望係布吉之類的便不太適合, 房價可參考 下一篇將會介紹富國島景點及美食 【越南・富國島景點美食】全球最長跨海纜車・富國島監獄・夜市・地道大棑檔10蚊碟海鮮