黎到鳴門,除了去鳴門大橋睇漩渦外,不小人都會去食海女現烤海鮮料理, 不過小編就覺得海女燒海鮮太遊客化,價錢又不算抵食,所以就係網上search到另一間燒海鮮試試, 呢一間燒海鮮叫福丸水產,位於海邊, 交通方面見議自駕就最合適,門口有大量免停泊位 入到去先挑選好食物,除了有生猛海鮮,刺身盤,仲有肉類選擇 㨂好食物後要先付費,現金或信用卡皆可使用, 唔食燒烤既仲有不小定食選擇,梗有一款合口味,適合一家大細前來, 始終有d人未必食海鮮,有d又唔食燒烤太熱氣,呢到就可以滿足唔同人既飲食需要 付款後職員就會帶入座,幫手開爐同燒海鮮, 飲料及醬汁就自便 點擊圖片放大 海鮮同刺身十分新鮮,見到都流口水啦 燒個時要小心貝類會爆開水花四濺,開合位盡量不要對住人 就咁食海鮮本身味道已足夠,不需多加調味 之後再encore左一次,大滿足啊, 4人食飽飽都係一萬yen鬆d,十分超值啊, 各位有機會去鳴門要試試啦, 福丸水產地址 日本〒772-0060 徳島県鳴門市 瀬戸町明神楠谷1-1 +81 88-624-8332 係德島小編就無去阿波舞會館,反而去左藍之館體驗傳統藍染, 同福丸水產一樣,藍之館都比較偏,公共交通唔方便, 自駕前來較合適,有免費停車位提供, 付過入場費及挑選好要做既藍染後便入內參觀 點擊圖片放大 +2 有公仔重現以前係如何做藍染,傳統藍染用植物提煉不加化學劑,工序繁復 點擊圖片放大 之後仲可參觀以前藍染商人大宅, 黎到戲玉,親手做藍染, 過程都好簡單,有導師指導, 先挑好花紋,顏色深淺度,導師便會教你好何做,要染多小次, 之後等風乾便完成 點擊圖片放大 建議前來的話先做藍染再參觀,因風乾需時,參觀完後藍染都應該吹乾了,時間剛剛好, 藍之館地址 板野郡藍住町德命字前須西 +81 88-692-6317