去得多日本,一般東京大阪已不能滿足香港人胃口, 所以近排都多了電視介紹四國這地方, 而小編今次就來到了位於四國德島縣的祖谷, 呢到無論係酒店及景點都十分值得前來, 現在先來介紹住宿的溫泉旅館 祖谷美人 成個祖谷都唔多公共交通工具可到達,一日巴士只得幾班, 若然想加埋深度遊,自駕一定係不二之選, 小編當然係自駕啦,祖谷美人附設有自己停車場,免費停泊, 祖谷美人有兩個門口,左邊那個係旅館入口,右邊是餐廳入口,平時會提供當地名物蕎麥面,吸引不小人前來 旅館大堂中間有個火爐,及有賣手信的地方, 今次預訂的是陶器露天風呂付客室,2人一泊兩食 37800yen 入房啦, 今次入住的是最近食事處的房間, 房間都係和式風格,面積約10畳 房間的露天風呂,是源泉掛流的, 景觀都幾開揚,溪谷景色十分優美, 由於房間是最靠近食事處(與餐廳是兩個不同的地方,食事處只供住客用),所以比平常的露天風呂多了一個日式小庭院, 不過當然係禁止外出 享用完溫泉就去食晚餐, 晚餐有當地特色烤魚及時令河魚刺身都好好味, 成個晚餐唔至咁小食物,還有一大窩窩物在火爐上燒住咁食, 最後主食仲要有蕎麥面,一定夠飽 點擊圖片放大 +2 第日早餐同樣豐富 旅館係餐廳對出仲整左個狸貓小便像對住溪谷 以37800yen這個價位就有私人風呂,景觀,餐食同住宿,十分推介祖谷美人俾大家 現在就來介紹祖谷周邊景點,先講一些大路的景點, 好像有u 形峽,小便小僧,祖谷籐蔓橋 祖谷籐蔓橋附近還有一步行就可到達既瀑布 點擊圖片放大 +2 以及大步危游船,以上提及既景點其實香港旅行團都會去,以及當地官方都有提供一日巴士遊方便地行哂 至於以下落黎既就一定要自駕,由祖谷美人向國道439一路進發, 沿路會有落合集落,不過小編就覺得沒咩特別,可以skip 由國道439向野猿指示方向前進就會黎到呢到 "名頃之里",呢到幾百個稻草人公仔, 點解要整呢d公仔?因為當地人慢慢地搬離這村落,村里一名女士便將離開的每家每戶製作了稻草人公仔, 稻草人公仔都是依村里人的特徵而做的,個個樣都係唔同,連衣服都係穿上本人的舊衣 點擊圖片放大 +3 呢條村留返係到既真係無幾個,顯得呢到相當荒涼, 加上這些公仔有點刧後餘生的感覺 點擊圖片放大 +4 看完便出發前往最後一個目的地,野猿及奧祖谷二重蔓橋 門票上印有紅葉季時的景色,相信秋天來時更美 點擊圖片放大 人流當然沒祖谷那邊多,景色都較靚,可獨佔美景拍個夠 而野猿其實就是一個纜車,以前係用來運送物資既,現在加固左,就人都可以坐上去, 門票已包,來到的不妨玩玩