今次約旦,以色列之旅乘搭皇家約旦航空由香港直飛至安曼, 雖然中途會經停曼谷1個多小時,但不需落機, 皇家約旦航空較為港人熟悉係佢既第5航權香港-曼谷線, 黎緊會搭呢條線既都可參考是次體驗 去程為夜晚機,放工後便早點到機場check in 入lounge梳洗及食個晚餐, 商務艙有2條check in lane,不用排隊 派發了plaza premium既invitation card,便順道看看開了至輪數月既 Plaza Premium Hong Kong (East Hall Gate 1) 地勤職員只派發了plaza premium既lounge invitation, 但小編當然唔會只係stay 係個到啦, 皇家約旦身為oneworld成員,香港機場大把lounge可用, 見登機閘口位於61,一於就去最近既the pier hea 到上機 由於會經停曼谷,今班機都幾full, 只有一條登機橋,商務同經濟都係同一個入口, 登機後立刻就見到皇家約旦個皇冠logo,尼個位係商務艙起飛用來放小食及飲品的 今次既機係b787-8客機, 座位係b/e aerospace diamond設計,以2-2-2排列, 可平躺,不過不是個個位都直通走廊不太方面,另外私隱度亦較低, 同款既設計係air china都會出現 今次坐既係3a同3c 點擊圖片放大 +2 座位control,電視control,閱讀燈都係旁邊, 有3腳電插及usb位可供充電 點擊圖片放大 前方腳踏位置較窄,及沒有太多儲物空間 枕頭及被質素一般 headphone看上去都ok 過夜包一般基本東西都齊,是設計及品牌方面很普通 派發welcome drink,沒有champagne可選,只有起飛後先可serve,只好選了橙汁 派發了酒水單,不過沒有餐單, 酒方面唔小得約旦既local wine 起飛後不久便開始上餐, 開頭都有d疑問點解上機後無人走黎落order點餐, 原來呢程機係無main course,得頭盤冷食,一盤上哂, 雖然味道尚可,不過無熱食main course真係大打折扣, 等小編仲係lounge只係食小小諗住上機食,點之上到機係無咩食既,唯有等之後去安曼個程個餐, 如果你都係搭呢班機去曼谷記住上來前食飽d 到娛樂方面,戲同歌都比較舊及小,唔多吸引, 中文戲方面更只得成龍的一套爛片及一套大陸片, 建議都係買多幾本雜誌上機消磨時間, 老虎都俾左個dislike呢到既娛樂系統 點擊圖片放大 廁所備品只有這2款 2個多小時後便到了曼谷,係呢到會停個多小時,去安曼既乘客不用落機 此時便有派發餐單,今次就試下牛扒, 同時派發請勿打擾貼紙,唔想人打擾睡覺可貼係座位告之 由香港起飛到而家足足幾個鐘,終於等到熱食啦, 不過結果係中伏了,牛扒係全熟,好難咬得開,老虎即時黑面 到上甜品,由空服人員推餐車出來等你選擇,味道尚可 食完野準備訓覺,座位是可躺平的, 不過由於頭枕位不可折下來是固定的, 若然係好似老虎頸椎有問題需要用自己枕頭,便十分不便, 座位間有一小屏風,坐裏面的私隱會較好小小, 過夜機的關係小編睡得還可以,醒來便差不多到達安曼 點擊圖片放大 +2 RJ182 Amman - Bangkok - Hong Kong Business Class (B788) 回程時都係同一款機 今次選了坐1h 及1k, 由於是頭排位,腳踏會較大,平躺的時候會有更多位放腳 點擊圖片放大 welcome drink與去程一樣沒有champagne,點了橙汁 回程時餐單 由於回程都係夜機,吸收了上次去程無咩食既經驗都帶左杯面上機, 結果都係同想的一樣,起飛後只有冷盤小食,最後都係食左個杯面 平躺後放腳位比後方的較大,無咁窄 差不多到曼谷時便上早餐 到達曼谷後同機要停個多小時, 今次曼谷到香港就有熱食啦,再次點過牛扒試多次 點之又中多次伏overcook左,反而老虎點既duck curry幾好食, 總結係曼谷機場既廚房係唔識煮牛扒(之前坐emirates由曼谷返港個牛扒都係overcook) 無酒精啤,比起日本那些口感怪怪 總結呢兩程機無論食同娛樂系統方面都不太enjoy, 只可以講不要有期望便不會有失望,當普通交通工具將你由a帶去b的心態便可