經歷3個多小時船程終於黎到跳島行第一站 Paradise Cove Resort, 交通方法可重溫,斐濟 亞薩瓦群島 跳島行 Fiji Yasawa Islands - 交通篇 由於今次係買左7日既bula pass,所以會去2個島,分別住3個晚上, 從渡輪上岸會有快艇接駁, 上岸時職員會示意大家一齊大叫"bula"意即你好, 同時在岸上會有人彈結他唱歌歡迎, 行李方面會有職員安排坐另一快艇上岸 check in 時附上welcome drink, 職員在此講解酒店日常流程如食飯時間等等 點擊圖片放大 +2 講解一輪後就入得房啦,今次住宿既係酒店最基本房型 Garden View Bungalow 房間空間感十足,放兩件大行李都綽綽有餘, 房內之mini bar一開頭話入面所有野都係free,以為會有什麼特別,原來只有水而已, 另外雖然有電視,但只能播放預設的電影及電視節目 點擊圖片放大 +5 廁所及浴室採露天設計,親親大自然,採光度亦足, 不過露天設計難免會有些小昆蟲,酒店方面都放定支殺蟲水係到 點擊圖片放大 另外同行親友住宿較我們高一級bungalow的浴室,比我們的大很多, 不過房內便和我們是同一樣佈置 房外對出之花園小路,椰林樹影, 亦種有不同品種既樹,有香蕉有木瓜當然有椰子啦 呢間酒店設有adult only既區域, 有2個泳池及餐廳, 怕小朋友嘈既可以黎呢到曬太陽 點擊圖片放大 +2 酒店主泳池, 呢到就小朋友都用得,亦較成人區域的景觀好及大, 泳池有吹氣水泡借用,大人細路都啱玩, 唔出海係到hea下都幾好 係泳池旁有間dive shop,如果參加出海活動都係係到集合, 另外亦可以用check in時派發的借用卡,係到借浮潛用具及毛巾, 記住歸還時要取回借用卡,如果唔係要另收錢的 點擊圖片放大 另外有kids club, teens club, 有足球機,乒乓波玩 點擊圖片放大 +3 當然唔小得有spa可以做下massage gym房雖細不過器才都夠用 酒店沙灘環境 點擊圖片放大 我們都有參加付費的浮潛行程, 有好多人參加,好快full,建議第一日到涉就要立即報名, 不過呢個浮潛位就麻麻啦 題外話,住了2晚後,真的頂唔住張超冧既床, 可以見到張床已經變哂型, 好彩最尾酒店都更換到張新既俾我地 呢到雖則都係標榜5星級,但對於各位去泰國享受慣5星的,呢到既標準可能只屬4星, 問過一個當地工作的香港人,都講呢到酒店既星級標準對香港人黎講減一星就差不多啦,呢點我地都認同, 至於房價,今次住宿最基本房型約17xx hkd一晚,另外仲要俾每人每日約800hkd既三餐費用, 下一篇將會講呢到既飲食,究竟800hkd一日會有d咩食呢