上回介紹左杜拜既 Palazzo Versace Dubai, 【杜拜酒店推介】Palazzo Versace Dubai 杜拜凡賽斯宮殿酒店 今次就介紹離杜拜一小時車程既 Waldorf Astoria Ras Al Khaimah, 阿聯酋除左阿布扎比同杜拜,Ras Al Khaimah 應該較小人聽過, 其實Ras Al Khaimah 同阿布扎比及杜拜一樣都係其中一個酋長國。 Waldorf Astoria 為hilton 集團最高階品牌, 今次酒店完全貫徹品牌理念,宮殿式既外觀, 配合高挑既大門顯示出酒店與別不同既氣派。 停車後所有事交給 valet parking及行李員便可,輕輕鬆鬆去check in 點擊圖片放大 +3 酒店大堂bar peacock alley,晚上時份會有人演奏鋼琴,感覺典雅 點擊圖片放大 check in 時被告知有upgrade,不過房間還需作打掃, 酒店仲offer complimentary afternoon tea set給我們邊食邊等 食完就剛好可上房啦, 客房外走廊空間都非常寛敞,咁既size做宴會廳都得啦, 今次upgrade左去 King Grand Junior Suite with Seaview and Balcony, 打開房門後便是一條長走廊, 沿走廊旁的便是浴室及衣帽間 點擊圖片放大 +3 浴室備有雙洗手盤,2人一起用都唔會阻, 有大浴缸及shower, 沐浴用品是選用 salvatore ferragamo 點擊圖片放大 衣帽間 過了衣帽間便來到睡房 客廳放了工作檯同梳化後空間感依然十足 點擊圖片放大 +2 迎賓水果及甜點 點擊圖片放大 +2 每日都會送兩支大水,唔怕唔夠飲, 作為大酒店,咖啡機總小不了, 電視櫃內還有dvd 機,mini bar ,熱水黛等等 步出露台便是無敵大海景及酒店超大的沙灘 酒店佔地頗廣,除了沙灘外,還有哥爾夫球場, 餐飲選擇都有9個 室外泳池有兩個,其中一個是adult only, 有小朋友或喜歡享受寧靜的都可各自各精彩 點擊圖片放大 酒店spa gym room lobby 旁仲有幾間商店 晚上著了燈更添奢華氣派,皇宮一樣 點擊圖片放大 自助早餐位於lobby 旁商店對面, 食物種類真的十分十分豐富, 係呢到連豬肉都有得食(要知道阿聯酋d人係唔食豬,無咩地方有豬肉賣), 住呢間酒店絕對唔可以miss 呢個早餐 點擊圖片放大 +12 總結,酒店夠哂靚,早餐又豐富,價錢竟然好相宜,最標準房型一晚連稅只要13xx hkd左右, 呢個價錢可以住到Waldorf Astoria 相信全球都無幾間,近近地既曼谷都要2千幾, 另外酒店房間數量夠哂多,如果係hilton honor會員upgrade既機會都幾大, 有興趣可經此查房價 至於周圍又有咩玩同睇? 黎得呢到多數都係hea下係沙灘打下golf 咁,景點唔算多, 喜歡廢墟feel 的朋友可以去附近既ghost town打下卡影下相 點擊圖片放大 另外喜歡刺激既朋友一定唔可以miss 呢個全球最長既zipline, zipline 座落於阿聯酋境內最高既山 jebel jais, 如果想玩必須要預約, 玩呢個zipline真係有識飛做超人既感覺,可以睇片 點擊圖片放大 +3