聖誕去北海道除左要滑雪,當然就要對住雪景浸下溫泉啦, 滑雪渡假村都有溫泉,但質素通常都普普通通,同埋係大浴場,一定無私人既咁嘆, 今次選擇入住既溫泉酒店位於支笏湖,離札榥不遠,就算不是自駕都唔難去, 若冬天自駕的要注意,最好早d前往酒店, 因個天下午4時到就會開始黑,加上大風雪,能見度好低,揸車會較費神, 小編當天check out滑雪酒店後又去了幾個景點,之後個天都黑哂, 最後要揸個幾鍾先去到酒店,到達酒店時已經係晚上6時多d 一到達酒店門口便有職員幫手拎行李及泊車 check in 就坐係sofa到等就ok,職員會幫你搞掂哂,並預約埋晚餐時間 講左咁耐價錢到底係點,其實真係好相宜, 當日住宿為聖誕夜,一晚包晚餐連稅只需40824yen,以當天匯率計,3千都有找, 當日住宿房型為 露天風呂付ツインルーム30平米(山側)【禁煙】(rtw) 酒店大堂的小賣店,有手信及杯面零食可以買 好快就入得房,行李已一早安放好, 先睇睇房內環境,係燈光有小許暗,不過空間尚算大,有一個室外小庭園 點擊圖片放大 +2 黎到溫泉酒店,當然要即刻浸下享受下先再去食晚餐啦, 泉質好唔錯,滑滑的,無消毒水味,不是一般商務酒店過濾了很多次的泉水 浸完溫泉係時候去食飯,酒店有好幾間餐廳, 當日晚餐就係呢到食,お食事処「苔庵」 餐廳坐位係個室形式,裝修都好別緻,未上菜只睇feel 都已經夠開心 當天餐單,就咁睇漢字都大概明有d咩食 前菜同胡麻豆腐,一般般 係北海道刺身當然好好味 之後上茶碗蒸及炸物 北海道毛蟹,唔洗講都知係幾鮮幾好味 北海道產和牛,不過呢個煮法不太相櫬,略嫌不夠juicy 最後上埋主食及甜品,是次聖誕大餐就完滿結束, 雖然每樣份量不算多,但最尾都係夠飽的, 無論個肚同視覺上都好滿足 之後都有到大浴場再浸溫泉,不過泉質好像沒有房內的好, 沒有滑滑的感覺,可能過濾較多吧, 所以住呢到,建議一定要住有私人風呂的, 總括黎講雖則不是最高級的溫泉旅館,但可以係聖誕夜用不到3千就享受到 (係香港酒店食餐飯相信都要2千啦) 小編認為十分超值,值得推介