Flight Review - Fiji Airways FJ392 Hong Kong - Nadi Business Class (A332) 斐濟 亞薩瓦群島 跳島行 Fiji Yasawa Islands - 交通篇 Hotel Review - Paradise Cove Resort Fiji 房間設施篇 上回介紹完酒店房間及設施後,今次就講下酒店既餐飲, 係呢個島只有酒店既餐廳,所以有硬性規定每人每日要俾800hkd 膳食費包三餐, 咁究竟呢個價錢有咩食,好唔好食,值唔值?一齊由早餐睇到落晚餐, 先重溫一下酒店既餐廳,有對住主泳池既主餐廳, 在晚上格外有情調,其他外國人會着得靚靚咁去食,不過我地亞洲人通常都踢哂拖,lol 早上的主餐廳,早餐係呢到供應 午餐時份,成人區域內這餐廳都會供應午餐, 不過呢到真係太曬,比主餐廳熱,所以一次都無食過,全程只在主餐廳用同膳 不過都有影低menu可參考下 另外在主餐廳旁有個bar,由朝開到晚 重溫完酒店餐廳,就先睇睇早餐, 早餐採用半自助形式,面包,沙律,cereal,生果,咖啡茶果汁就自取,任食 點擊圖片放大 +2 另外每人仲可點一份即叫即煮既早餐,一定夠食 即叫即做既早餐十分有質素,份量都好足, 係呢到幾日食得太多太滯,最尾個日都要食個麥皮清清腸胃 點擊圖片放大 輪到lunch,除左menu上有供應的,亦有每日special 不同款式既午餐 點擊圖片放大 +3 不過lunch最大敗筆就係menu上的jumbo prawns, 黎到時蝦毛咁,千其唔好點呢款 lunch包一份主菜及是日甜品,甜品賣相都幾吸引 點擊圖片放大 一日時間好快過,食完早餐到午餐好快又到晚餐,餐餐都係好飽,有d食到隻豬既感覺, 晚餐每天選擇不同,除了有starter, main course, dessert可選外,上starter前仲有 amuse bouche 點擊圖片放大 食西餐點小得面包,牛油每天都係不同口味的 starter做得相當精緻,好多都好好味,其中生牛肉更是另人回味 點擊圖片放大 +3 係上starter同main course之間,仲會有生果味既sorbet,可以refresh下個味覺 黎到主角main course,唔洗講睇相都知好味, 其中牛扒及羊架水準真係一流,超想再黎多一份 點擊圖片放大 +3 黎到最尾唔小得個靚靚甜品,每個都整得好靚又唔太甜,連我呢d唔多食甜品既都清哂 點擊圖片放大 +4 飲酒既呢到都有唔小酒 總結,餐食夠份量,賣相十分精緻,味道佳, 800hkd一人一日食到呢個質素,個人認為係十分超值,為呢間酒店加了不小分數