Hello大家好!~ 今次係我第1次係UBlog寫blog~ 希望大家多多指教~ 如果你問我最唔鐘意香港邊個季節 我一定會答係春天!!!! 因為真係潮濕到皮膚又差頭髮又痴立立好唔想出街!!.\/. 特別係早排天氣反反覆覆 一時乾燥一時落雨 令本身唔出濕疹既我都生左大撻!!!!(哭) 個種又痕又甩皮又乾既感覺真係好討厭好唔舒服T.T 之前搽極日本濕疹膏都只係治標不治本 於是就搵返之前買左用左好少次既First Aid Beauty黎用 因為貪佢補濕修復都幾好~ [由左至右] 1. F.A.B Ultra Repair Cream 超驚人修護奇肌霜 2. F.A.B Vitamin Hydrating Mist 急救美人維他命保濕噴霧 3. F.A.B Hydra-firm Sleeping Cream 強效修復晚霜 4. F.A.B Face Cleanser 急救美人卸妝修復潔面乳 早排12月Thanks Giving 飛開美國 唔怕話俾大家知我係一個SEPHORA忠實FANS 去親邊度都要行SEPHORA (笑) 俾我見到54蚊美金可以買齊一set 唔買真係對唔住自己lol 老實說 個人認為保濕噴霧同潔面乳都無太大既驚喜 但係Repair Cream 效果真係顧名思義:超!驚!人! 我大概1月頭已經開始出疹 d疹出係大脾,膝頭哥後面 keep住2個月又痕又紅 皮膚亦都好乾燥 搽body cream都未見好轉 到左2月中我諗住試下搽下Repair Cream睇下得唔得 點知連續搽左2星期 皮膚狀況好返好多!!!! (感動) Ultra Repair Cream 適用於任何皮膚急救 特別係炎症同痘痘肌 佢質地比較平滑易推 容易吸收而且唔會block住毛孔 對炎症皮膚唔會造成負擔^^ F.A.B 既主要成份膠態燕麥能夠鎮靜皮膚同保濕 形成保護膜幫助肌膚抗炎抗癢 岩哂濕疹皮膚同極乾天氣下用 事後做返research先知原來好多韓國女仔濕疹都會用佢 係lotte mart經常無貨 唔怪得之有「平價La Mer」之稱 (ohohohohohoh) 雖然膝頭哥後而而家仲有少少紅 但已經比之前又乾又紅好左好多 (感動) 第二樣值得推介既就係Sleeping Cream 好多sis都好怕晚霜會痴立立 第二日起身滿面油光 但係呢隻sleeping cream質地好似balm咁 搽落面又唔會覺得佢油膩 但係第二朝起身 皮膚真係keep住好滑同脹卜卜 同埋唔油膩!!!! 最重要係幫你係夜間修復細胞~~ F.A.B 最大既作用係幫你既皮膚回到健康既狀態 皮膚健康自由就唔會有炎症暗瘡既困擾啦!!~ 講起健康 下次我會分享一d 養生小貼士~ 有興趣既你地記住密切留意啦!!!<3 歡迎大家留言同follow我既blog~ 如果想我寫某d 題材既blog都可以留comment話我知架>.O -------------------------------------------------------------------- 歡迎邀稿,試用及合作:) email: flying.trapeze28@gmail.com theztyle:http://flyingtrapeze.theztyle.com BeautyExchange: http://www.beautyexchange.com.hk/blog/%E7%A9%BA%E4%B8%AD%E9%9D%9E%E4%BA%BA