東京甜品真係永遠都食唔厭,有各式各樣好好味既甜品,芝士TART,PANCAKE,CAKE,雪糕等等 …每次去東京其實都會瘋狂係正餐與正餐之間試甜品食! 跟住介紹呢間,第1次去東京試完後,每次去東京都要番去食!因為真係好好味,覺得食完好幸福喔(已經食過4次了XD) 佢就係綠茶火鍋啦⋯⋯我作為一個綠茶控,任何綠茶乜乜乜我都唔會放過架,咩綠茶甜品,綠茶蛋糕,綠茶雪糕~統統都要試(如果大家有咩綠茶私藏小店推介,歡迎大家細細聲介紹咪俾我知) 個陣係係涉谷行行下覺好攰,無意見到間有好多日本妹係入面但無咩遊客仲有少少位坐既輕食店(有麵有甜品食),個餐牌仲要有好多綠茶甜品,咁就抱住一個純粹想搵個地方抖抖既心態入左去試試! 係餐牌望望下見到有個綠茶火鍋,個陣既我真係未試過綠茶火鍋,係香港只試過芝士同朱古力火鍋,但兩次都覺中伏HAAHA!但見到周圍既客人都好多食緊綠茶火鍋,好奇之下就一於試下佢好唔好味啦! – 綠茶火鍋入面有d咩? 綠茶火鍋Set裡面有5款食物俾你配搭,有士多啤梨,餅乾,兩款類似糯米糍的食物同一杯雲呢拿雪糕,成SET野食好多款顏色!而且充滿綠茶既香味,單憑視覺同嗅覺都估佢係好好味! – 食後感 一食落去,一啲都唔覺苦,因為佢係用白朱古力同京都宇治的綠茶溝咪一齊煮,所以係會覺甜但又絕對唔係朱古力火鍋個種甜到覺OVER左既感覺,一切都係岩岩好 ,邊食邊會忍唔住講:真係好幸福呀~ 再連咪佢既配搭食物一齊食,加雪糕既配搭,一暖一冷的口感,真的非常棒既感覺!就算食哂佢既配搭食物後,你依然會忍唔住要食乾淨成個綠茶火鍋,因為真係好好味! 大家下次去東京,都黎試下呢種幸福的感覺啦!係味覺,視覺同嗅覺既衝激下,有幸福的感覺真的很容易了 *間野遊客唔多,得日本當地人食多~每次去都係好多日本妹! – – 餐廳名稱:茶鍋 地址:東京涉谷區 道玄坂1-12-5 WEST MALL 2F (涉谷站西口可直達WEST MALL 1F) ———————————————- 想看更多: IG: www.instagram.com/ffwanderlust FB: ffwanderlust