我地係首爾呢四晚都係住係同一間酒店。 呢間酒店位於東大門的KY-Heritage Hotel Dongdaemun, 而家已經改左名做Sotetsu Hotels The Splaisir Seoul Dongdaemun, 入住的日期係30/12-3/1, 房型係Standard Room, 價錢連稅係HK$3208.54 四晚,即係HK$802.135 一晚。 地址:226 Jangchungdan-ro, Gwanghui-dong, Jung-gu, Seoul, South Korea 韓文地址:서울시 중구 장충단로 226, 서울, 대한민국 間酒店都好高, 最高係20樓。 我地揀呢間酒店的原因係位於熱鬧的東大門, 位置就係東大門歷史文化公園地鐵站隔離, 附近有東大門設計廣場DDP、好多批貨市場&商場。 我地間酒店房係3樓, 係Guest Room入面最底個層呀。 走廊的設計都幾型格feel。 帶大家參觀我地間房啦。 一入房左面就係浴室。 對住浴室的門口有塊全身鏡。 浴室無浴缸, 只有淋浴的位置。 牙膏牙刷都有提供。 睡房的空間都唔細。 床的左面有張梳化, 仲有張書枱。 當時我地入左房一陣, 就有個後生高大的Oppa送左盤芝士拼盤&一支紅酒入黎房。 除左最左個隻Blue cheese之外, 其餘四款都好好味, 我地實在食唔慣咁濃的Blue cheese。 有部電視仔, 左邊係衣櫃。 有拖鞋&浴袍提供。 窗外的景色。 雖然我地住係三樓, 但感覺都唔會太低層。 有礦泉水提供添。總括黎講,呢間酒店的位置鄰近地鐵係非常方便, 酒店都好舒適, 最喜出望外係酒店送左支紅酒&一盤芝士, 好有係酒店嘆的感覺, 另外高大的oppa都加左d分,哈哈! 旅遊日期:2017年12月30日- 2018年1月3日 ========================= 覺得呢篇blog幫到你, 記得like Facebook Page https://www.facebook.com/fatbjai.travel/ follow Instagram: fabjai.tavel https://www.instagram.com/fatbjai.travel/ 收到個blog的最新update! =========================《去首爾玩》 Day1 (南山谷韓屋村,韓國必買零食,橋村炸雞,平壤麵屋) Day2 (建大Common Ground,梨大火飯,馬場洞食韓牛,樂天世界塔倒數) Day3 (江村鐵道單車,南怡島,陳玉華一隻雞) Day4 (汝矣島I SEOUL U打卡地標,明洞行街,韓牛) Day5a (景福宮韓服體驗,土俗村蔘雞湯) Day5b (去影樓影韓式CV相,首爾機場退稅步驟) 酒店篇 (東大門,KY-Heritage Hotel Dongdaemun)