~今日的行程~ 6月10日:Plaza Premium Lounge -> 搭馬印航空番香港 今日終於都結束27日的西歐五國星馬旅程番香港, 呢27日真係過得好快呀! 早上7點3,我地就搭的士去吉隆坡國際機場啦,搭左MYR$75。 當時天都未光哂, 仲經過雙子塔 Petronas Twin Towers 添呀。 7:35am 到達吉隆坡國際機場, 同香港的機場有幾分相似。 係吉隆坡國際機場睇日出都幾浪漫咁喎。 機場入面都有香港機場的感覺。黎到機場我地就搞退稅先啦。 (係認可的商舖買滿MYR$300就可以退稅) 首先我地要去GST Verification去吸海關印先。 上圖呢個counter就係吸海關印的地方啦, 記住呢度的職員係會check你的退稅產品, 所以大家唔好拎左d退稅產品去寄行李艙先黎退稅呀, 另外仲要準備passport、退稅產品的單據、登機的資料。 吸左海關印之後, 就去去番張單所屬的退稅公司退稅啦, 我地就要去Global Blue的counter啦。 上圖就係Global Blue的counter啦, 我地琴日係Sephora買左MYR$350, 最後揀左現金退稅,退到MYR$16.8。 之後我地就緊係去Plaza Premium Lounge食下野啦。 [由於我有American Express個張國泰航空尊尚信用卡, 所以可以無限次免費入環亞機場貴賓候機室 Plaza Premium Lounge (按我申請)] 呢個lounge都幾多人下。 但個景色都好開揚,可以望到出面d飛機。 拎左少少野食, 又有係新加坡個lounge見到的Heaven and Earth飲品, 今次試埋其他口味。 去完lounge食野, 我地就想用埋手上的馬幣, 於是就買左3排芬蘭牌子Karl Fozer的朱古力。 呢3排朱古力都係以旅行的地方做主題, 呢排係Copenhagen哥本哈根,MYR$17.5, 味道係Raspberry and Liquorice 紅莓洋甘草味。 呢排係London倫敦,MYR$17.5, 味道係Toffee Rocks Salty Cookie 拖肥糖鹹曲奇味。 呢排係Rio De Janeiro里約熱內盧,MYR$17.5, 味道係Mint & Choco Drops 薄荷朱古力粒味。 買完野我地就去登機啦, 我地會搭馬印航空(Malindo Air)番香港, 馬印航空唔係廉航黎, 但價錢可以媲美廉航咁平呀。 我地係Expedia book 新加坡去吉隆坡+吉隆坡番香港, 都只係HKD$852(已連稅)。 但係番香港呢程就發生左樣小插曲, 係櫃檯checkin的時候,馬印航空的地勤見到我本BNO就問我: 地勤:你去香港需要visa嗎? 我:(呆左一下)唔駛呀 地勤:你會係香港逗留幾耐呀? 我:(更加唔識比反應...) 我係香港居民呀 (心入面想答佢forever!) 地勤:請你比香港身份證我睇下 我只好係背囊入面搵番張香港身份證比佢睇。 之後去到閘口登機, 上機前馬印航空的職員會再望多次你本passport & 撕你張登機證 (竟然唔係嘟barcode,好old school), 職員又再次問我: 地勤:你會係香港逗留幾耐呀? 我:(心諗又黎?) 我係香港居民呀 地勤:請你比香港身份證我睇下 我只好再次係背囊入面拎番張香港身份證比佢睇。 其實BNO入面都寫住"The holder of this passport has Hong Hong permanent identity card which states that the holder has the right of abode in Hong Kong" 但係passport入面咁多字,職員都未必留意到呢段野。 另外我諗馬印航空都好少遇到香港的乘客, 的而且確,成程機都好似得我地兩個香港人。 我地順利上機啦, 但天氣好似不似預期? 機票咁平,但都有機上娛樂, 例如電影&遊戲, 但係d電影唔岩我地的口味, 所以我地都無睇到。 左右排各有3個座位, 都唔會太窄。 咁岩我地隔離個位空左, 我地帶去旅行的熊仔又有位坐啦。 機程4個鐘, 我地訓醒覺就玩下Solitaire接龍。 仲有飛機餐食添。 係早餐黎, 有奄列、粗腸仔、茄汁豆、薯仔。 食完飛機餐之後, 男友竟然拎豬肉乾出黎食, d香味同杯面有得揮呀! 《西歐五國星馬畢業遊》終於寫完啦, 雖然去完旅行都接近兩年啦, 希望d資訊對大家有用啦。 今次呢27日旅行可以話好好彩, 天氣都好好, 雖然係維也納虛驚左一場, 係倫敦&巴黎有比人偷野, 係羅馬搭火車勁黑仔, 係威尼斯遇到不快事件, 係米蘭幾經波折先去到米蘭大教堂, 除左以上的事,成個旅程都好smooth, 總括黎講開心的事都比傷心的多! 下一個遊記將會去首爾,敬請期待! 旅遊日期:2017年5月14日- 6月10日 ========================= 覺得呢篇blog幫到你, 記得like Facebook Page https://www.facebook.com/fatbjai.travel/follow Instagram: fabjai.tavel https://www.instagram.com/fatbjai.travel/收到個blog的最新update! ========================= 《西歐五國星馬畢業遊》 行程篇 (27日景點行程分享,機票資料) Day21 (點係香港機場hea遊4個鐘,新加坡酒店篇,Fragrance Hotel - Crystal) Day22 (新加坡酒店篇,Four Seasons Hotel Singapore,Grandma's新加坡菜,三巡海南雞) Day23 (聖淘沙,3D影相館,4D探險樂園,高速斜坡滑車,空中吊椅,亞洲最南點) Day24 (新加坡,Garden by the Bay,天天海南雞飯,小印度,哈芝巷) Day25 (樟宜機場退稅,馬印航空去吉隆坡,亞羅街,Shangri-La酒店分享) Day26 (Berjaya Times Square室內樂園,雙子塔,新峰肉骨茶) Day27 (吉隆坡影相打卡必去Kuala Lumpur City Gallery,茨廠街,保記沙河粉) Day28 (吉隆坡馬印航空番香港,退稅,吉隆坡Plaza Premium Lounge) 《去新加坡嘆》 去新加坡嘆 之 Day1a (樟宜機場,電話卡,兌錢) 去新加坡嘆 之 Day1b (聖淘沙,環球影城,Vivo City) 去新加坡嘆 之 Day2 (金沙購物中心,ION Orchard,牛車水,Maxwell Food Centre) 去新加坡嘆 之 Day3 (Merlion,牛車水寄明信片,Garden by the Bay,機場shopping) 去新加坡嘆 之 住宿篇 (Marina Bay Sands,無邊際泳池) 去新加坡嘆 之 住宿篇 (Ritz-carlton Millenia) 新加坡新地標 - Jewel 星耀樟宜+全世界機場內最高的瀡滑梯