想睇番西歐五國星馬畢業遊的行程,請睇行程篇 (27日景點行程分享,機票資料) 我地係巴黎的最後一晚住係Hôtel La Comtesse, 入住的日期係22/5-23/5, 地址:29 Avenue de Tourville, 75007, France, 上篇巴黎酒店review提過巴黎的治安麻麻,住邊一區都要做好資料搜集, 而呢間酒店位於巴黎的第7區, 亦都係一個安全指數好高的區域! 除左因為呢區較安全之外, 我地住呢間酒店係為左可以見到巴黎鐵塔! 酒店位於地圖的右下角, 鄰近École Militaire地鐵站, 左上角就係巴黎鐵塔啦。 酒店的外表, 我地住係最頂個層, 望到遠D的景色, 呢個方向正正就可以望到巴黎鐵塔啦。 法國D酒店門口都會大大隻字貼住自己幾多星級, 我地住呢間Hôtel La Comtesse係四星級。 我地係酒店的官網度Book的, 我地揀的房型係巴黎鐵塔景的雙人房, Prestige Double room Comtesse - Eiffel Tower front view €314 (當時約HK$2646.61), 再加左露台,Extra Balcony with view €40 (check out先至比錢)。 另外,每人每晚都會收取€2.48的稅, check個陣先比的,我地2人1晚總共€4.96。 所以加加埋埋就€358.96。(係成程trip 26晚入面最貴的一晚酒店!) 一入門口就係走廊位, 關左個度門係通去廁所。 細細的廁所位。 我地進入睡房的位置啦。 睡床~ 床隔離有個櫃, D擺設都好懷舊的感覺, 但中間竟然放左一部好長的喇叭。 隔壁就係望到巴黎鐵塔的露台啦! 其實露台的位置相當細, 僅僅足夠比兩個人企係度。 企係露台影到的景色, 現實望到的巴黎鐵塔比想像中還要近! 睡床對住兩張梳化椅、電視、書台等等, 都好多空間比我地放行李。 上面右手面的“衣櫃”入面有Nespresso咖啡機。 佢D capsule唔係常見的杯形,而係圓餅形咁的。 仲有法國牌子Compagnie Coloniale的茶包, 好高質係用網狀的茶包! 睡床的左手面係沖涼房, 係有浴缸&暖爐架! 沖涼用品係用西班牙牌子VIÑALI, 呢個牌子標榜係用提子去提煉成護膚品。 ========================= 以下就係我地係呢間房影到的部分靚相, 朝早、下午、日落、入黑的巴黎鐵塔都有唔同的美! 露台雖然唔係好大, 但都夠影相。 二人合照都無問題! 沖涼房都有個露台, 亦都可以望到巴黎鐵塔。 可以望到屋頂的鐵皮外層。 晚上我地無出去食飯, 係附近的家樂福 Carrefour City 超級市場買沙律粉番酒店食, 因為我地想影巴黎鐵塔的日落! 當時晚上9點,巴黎開始日落啦。 10點的時候,個天紅紅地, 再加上鐵塔的夜燈, 真係非常浪漫! 巴黎鐵塔日落後每個鐘頭開始會有5分鐘的燈光Show, 直至到1:00am就會完結, 夏天仲會延長到2:00am。 [embed]https://www.youtube.com/embed/fmlD6E4Y7I4[/embed] 我地拍左段timelapse去記錄鐵塔由日落至入黑的景象。 Btw,晚上打開個窗係有好多蟲飛入屋, check in的時候職員都有提醒我地, 但D蟲都係被燈光吸引, 唔會咬人的,所以大家唔洗擔心。 第二日的朝早10點, 我就著住由香港帶黎的畢業袍影相, 買左咁貴的畢業袍&Book左咁靚景的酒店, 當然係唔好浪費啦! 朝早影相都有D熱, 而且會有背光的問題, 所以大家都要注意呀! ========================= 呢間酒店除左有靚景睇之外, 附近都有家樂福超級市場、藥房、餐廳、甜品店等等, 又鄰近École Militaire地鐵站, 所以係非常之方便。 大家黎巴黎都可以豪D住番晚呀! 旅遊日期:2017年5月14日- 6月10日 ========================= 覺得呢篇blog幫到你, 記得like Facebook Page https://www.facebook.com/fatbjai.travel/ follow Instagram https://www.instagram.com/fatbjai.travel/ 收到個blog的最新update! ========================= 《西歐五國星馬畢業遊》 行程篇 (27日景點行程分享,機票資料) Day1 (出發去倫敦,維也納轉機驚魂事件,奧地利航空) 酒店篇 (英國倫敦Paddington,Castleton Hotel) Day2 (白金漢宮,西敏寺,大笨鐘,Oxford Street,Fish&Chips,柏靈頓) 酒店篇 (英國倫敦,Conrad London St. James) Day3 (大英博物館,倫敦塔橋,Harrods,Burger&Lobster,Nandos) Day4 (Bicester Village戰利品分享,itsu英式日本快餐,Five Guys) Day5a (英國巨石陣Stonehenge,世界文化遺產) Day5b (九又四分之三月台,倫敦最好食的葡撻,印度菜) 酒店篇 (英國倫敦King's Cross,Crestfield Hotel) Day6 (倫敦去巴黎,羅浮宮,巴黎聖母院,愛情鎖橋) Day7 (凱旋門,聖心堂,香榭大道,巴黎鐵塔下睇夜景) Day8 (Palace of Versailles,係凡爾賽宮嘆下午茶) 酒店篇 (法國巴黎,Hotel R de Paris) Day9 (《Inception》電影拍攝場地-比爾阿克姆橋) 酒店篇 (睇到巴黎鐵塔的酒店Hôtel La Comtesse) Day10 (巴黎鐵塔,聖路易島的雪糕,Ryanair飛羅馬) 酒店篇 (羅馬Ciampino機場,Hotel Palacavicchi) Day11a (搭火車黑仔事件,梵蒂岡,羅馬許願池,萬神殿) Day11b (羅馬鬥獸場,古羅馬廣場,GROM雪糕) 酒店篇 (羅馬,Hotel Nord Nuova Roma) Day12 (佛羅倫斯,The Mall,聖母百花大教堂,領主廣場,T-bone牛排) Day13 (佛羅倫斯周邊打卡勝地:比薩斜塔&五漁村) 酒店篇 (佛羅倫斯民宿推介,Home Boutique Santa Maria Novella) Day14 (威尼斯,彩色島,聖馬可廣場) 酒店篇 (威尼斯,Ca' Pagan Guest House) Day15 (威尼斯不愉快事件,米蘭曲折之旅,米蘭大教堂,艾曼紐二世迴廊) 酒店篇 (米蘭,Hilton Milan) Day16 (米蘭去瑞士Grindelwald,瑞士火車pass要點揀?Domodossola退稅分享) 酒店篇 (瑞士山區Grindelwald,望到阿爾卑斯山的Hotel Lauberhorn) Day17 (玩轉瑞士少女峰!原來有咁多野好玩!) Day18 (瑞士Grindelwald玩刺激活動/行山的聖地 - 佛斯特 First) Day19 (瑞士Grindelwald享受一日慢活) Day20a (瑞士琉森,卡佩爾木橋,垂死獅子像,蘇黎世) Day20b (蘇黎世機場退稅,瑞士航空,Aspire Lounge)