Day 4的行程~ 酒店自助早餐 -> 舊城區 Thalang Road-> Tu Kab Khao 食lunch -> Central Festival Phuket shopping -> 芭東海灘 ->玩水上拖傘 -> Jungceylon shopping ->JW Marriott Phuket Resort & Spa的Ginja Taste食dinner ------------------------------- 我地今日打算去舊城區的Thalang Road & 芭東海灘玩! 我地間酒店係有shuttle bus去舊城區架! 只係$250THB一個人,兩個人加埋$500THB。 (我地琴日由酒店搭的士去Flying Hanuman 都要$1200THB!) 我地住的酒店請睇->去布吉玩 之 #3酒店篇(Anantara Mai Khao Phuket Villas) 行左陣黎到Thalang Road, 呢條街出名於色彩繽紛的屋, 吸引好多遊客黎影相! 我地諗住食左lunch之後先慢慢行Thalang Road, 呢間咁歐陸式的建築就係食布吉菜的餐廳 - Tu Kab Khao。 間餐廳裝修好靚 我地叫左兩杯野飲,呢杯飲品有熱情果做裝飾。 呢杯細杯D 呢個好似米通的餅,點左D肉鬆醬,幾好食! 呢碟肉,男朋友覺得好好食,味道似東坡肉,夠淋!$230THB 呢碟係用薄餅包住D菜,然後點青咖哩黎食。 青咖哩比紅咖哩同黃咖哩辣! 總共食左$790THB,比左$10THB tips。 呢個環境 呢個價錢都唔算貴, 大家黎舊城區都可以黎呢間餐廳打卡影相! 行行下見到有間廟就入去睇下 估唔到間廟油左好現代感的塗鴉 行行下見到間賣好多英文書的小店 我地再行番去Thalang Road 影下相 見到呢間屋的窗係彩虹色好靚! 其實每間屋的地下都係鋪頭, 但係我地最後咩都無買到。 之後我地call Grab去Central Festival Phuket度行街, 其實係Thalang Road有好多Tuk Tuk/的士中介人問你坐唔坐, 我地問左價要$300THB, 但我地係Grab個app度睇只不過$150THB, 於是我地call Grab好過啦。 係boots買左盒菠蘿汁飲 Central Festival Phuket 同 Jungceylon比較, Jungceylon係大好多 多野行好多, 但係Central Festival Phuket的boots好似多野買過Jungceylon個間。 Jungceylon請睇->去布吉玩 之 #5(Flying Hanuman玩zipline,Jungceylon) 我地行左陣就call Grab去芭東海灘。 下篇繼續講我地Day4係芭東海灘做左D乜! ---------------------------- 想收到個blog最新update 記得like Facebook Page https://www.facebook.com/fatbjai.travel/ 其他文章: 去布吉玩 之 #1(AirAsia,徒步行去酒店,兌錢,電話卡) 去布吉玩 之 #2酒店篇(Marina Express Aviator Phuket Airport,Call車app) 去布吉玩 之 #3酒店篇(Anantara Mai Khao Phuket Villas) 去布吉玩 之 #4酒店篇(Anantara Mai Khao Phuket Villas 2) 去布吉玩 之 #5(Flying Hanuman玩zipline,Jungceylon) 去布吉玩 之 #6(舊城區,Thalang Road,布吉菜) 去布吉玩 之 #7(芭東海灘,水上拖傘,椰子殻雪糕,Jungceylon) 去布吉玩 之 #8(邁考海灘Resort區有咩食?超抵食餐廳推介!) 去布吉玩 之 #9(泰國必買手信,購物分享,戰利品) 去布吉玩 之 #10(布吉機場,Coral Executive Lounge,AirAsia)