今日的行程~ Day 3: 酒店自助早餐 -> Flying Hanuman玩zipline -> Jungceylon的Le Siam食lunch-> Jungceylon shopping ->Jungceylon的Shawarma Express 食dinner->返酒店 -------------------------------- Day2 全日都係酒店度玩, 今日終於去布吉最熱鬧的芭東! 係酒店食完早餐之後, 我地就叫酒店幫我地call的士去Flying Hanuman, Flying Hanuman係布吉好出名玩zipline的地方! 網址 http://flyinghanuman.com/ 我地係Klook度book的, 我地揀左Journey B,價錢係$1086港紙兩個人, 我地無買到接送,因為我地間酒店唔近芭東。 Flying Hanuman有兩種難度, 想輕鬆D可以揀Discovery Journey C,得16個platforms。 驚險D可以揀Journey A/B,只係有meal無meal的分別。 Journey A/B有28個platforms, 有以下的活動: 15 Ziplines 2 Sky Bridges 2 Abseil Points 3 Spiral Stairways 1 Sky Rail 20 Minute Wilderness walk 話說的士司機都唔係好清楚Flying Hanuman的位置, 因為佢個入口係一個山坡上, 要金晴火眼先留意到Flying Hanuman的指示牌。 由酒店搭到黎Flying Hanuman要$1200THB。 到左Flying Hanuman, 首先要填份表, 寫自己D資料&同意書, 始終zipline都係高危的活動黎! 然後就會問你要唔要拍攝服務, 佢會將你zipline的過程拍落黎, 價錢都幾貴, 所以我地就無買。 (事實上都值呢個價錢, 當時有團友都買左拍攝服務 會有兩個攝影的staff全程跟住, 佢地會係唔同角度拍攝,爬高爬低都好大體力勞動) 然後我地就要等召集, 呢個時候你可以去下廁所, 噴下防曬。 呢個時候就有貓星人亂入。 吸引你的注意同佢玩。 然後教練就召集我地去穿安全帶&放隨身物品入locker, 一團大約有10個人, 咁岩成團都係西人,得我地兩個亞洲人。 而團入面有兩個教練都係泰國人。 著安全帶 件安全帶會扣住支水, zipline歷時3個鐘頭, 都要飲水補充水份。 但係去到尾段 玩最長的zipline之前就要飲哂掉左支水。 我帶左個防水套用黎掛住部電話影相! 我地帶埋相機上去, 但係今日落過雨黎, 玩到隻手好污穢都唔敢拎出黎影相。 換完衫我地就出發啦, 首先要行10分鐘的山路先去到玩zipline的地方。 當時落過幾陣毛毛雨, 成面同埋身上 都有D小泥點 Zipline的次序如下: 教練A會zipline過對面的platform先, 然後教練B留係原地, 幫助每個團員zipline, 教練A係對面的platform接每位團員, 教練B會係最後一個人zipline。 到我zipline啦, 首先就緊係要禁定拍片。 教練幫你扣好安全扣係繩索。 第一次玩真係淆淆地。 兩隻腳都唔係好敢離開個platform, 最後一口氣跳出去! 飛出去的感覺好正, 好似泰山咁! 教練會係咁搖條索道,等你有刺激的感覺! 開頭玩的zipline都會見到盡頭, 好快就飛到去對面platform, 臨尾玩的zipline係長到見唔到個盡頭! Sky Bridges~ 有個鬼佬竟然著拖鞋玩,好厲害。 Spiral Stairways 成個活動我地身上的安全帶都會扣係D繩索度, 所以唔洗驚差錯腳跌落街。 呢個zipline係由高處飛落去。 教練叫我試下雙手唔好掂條繩索, 我就頂籠可以單手 haha。 換右手~ zipline越玩越長,呢個睇唔到盡頭! 呢個zipline有400米長, 教練揀左我做第一個玩zipline, 可以做superman呢個動作飛 (雖然我最後係扮左雀仔咁) 呢個superman動作只限女士 因為身型夠細先可以同教練一齊飛 我最驚就係Abseil Points, 由高處跳落去, 好似跳樓的感覺。 3個鐘的zipline都幾攰, 而且地下濕比較跣腳, 臨尾行最後一個Sky Bridges差錯腳, 刮損左左腳, 教練身上有膠布 立即比我貼住個傷口, 雖然只係皮外傷, 不過時至今日,仲有個小小的疤痕係小腿度。 泰國人都好熱情搞笑, 3個鐘頭入面都表演好多笑料比我地! 另外,完左Zipline之後每人會送件Flying Hanuman的t-shirt, 如果無帶衫換可以即刻著tim!(我男友就係無帶衫啦) 仲有生果盤食。 ------------------------------ 之後我地就想去芭東最大型的商場 Jungceylon, 但係shuttle bus有排先開, 於是我地打算行落山再call車, 行落山大約10分鐘左右, 搭的士用左$350THB到達Jungceylon。 我地首先行左Big C Extra, (係一間supermarket, 買手信必去) 行完Big C好肚餓, 想去Jungceylon的food court, 由於Jungceylon都幾大 有幾棟, 我地跟住商地的提示 行黎行去都搵唔到個food court。 然後行到落停車場 見到有間好地道的小店, 咁岩見到入面坐左個西人, 以為有遊客都黎食野 我地就入去試下間餐廳啦, 點知原來係員工canteen黎。 我地個日無食到lunch, 當時已經6點幾, 饑餓至極下終於行到商場露天的地方,個度好多餐廳, 雖然唔係原本想去的food court, 但見到咁多餐廳我地要立即去食野啦。 泰式奶茶 菠蘿炒飯 椰青 金邊粉 炸蝦餅。 間餐廳都幾高檔 坐得舒服, 食物都唔錯。 總共$1078THB。 餐廳叫Le Siam, 位置係Jungceylon的Silang Boulevard, G floor, Room No. 2121。 之後我地行下Boots,Beauty Cottage,Watsons。 呢幾間都係買化妝品必去的地方, Boots 可以買 Wet n Wild,Soap and Glory的產品。 Beauty Cottage係一個泰國化妝品牌子。 Watsons可以買Srichand的產品。 岩岩仲search到Jungceylon有Bath & Body Works! 10點左右我地打算搭的士番酒店, 因為車程都要成個鐘,搭左$800THB。 由於我地未肚餓, 我地係Jungceylon買外賣番酒店食! 一間中東的餐廳~ 黑色個D係肉餅。 Kebab。 間野叫Shawarma Express, 黑色個D餅都幾好食, Kebab無乜特別。 Day3就完左啦~ Flying Hanuman好刺激 推介唔畏高鐘意刺激的你去玩! ---------------------------- 想收到個blog最新update 記得like Facebook Page https://www.facebook.com/fatbjai.travel/ 其他文章: 去布吉玩 之 #1(AirAsia,徒步行去酒店,兌錢,電話卡) 去布吉玩 之 #2酒店篇(Marina Express Aviator Phuket Airport,Call車app) 去布吉玩 之 #3酒店篇(Anantara Mai Khao Phuket Villas) 去布吉玩 之 #4酒店篇(Anantara Mai Khao Phuket Villas 2) 去布吉玩 之 #5(Flying Hanuman玩zipline,Jungceylon) 去布吉玩 之 #6(舊城區,Thalang Road,布吉菜) 去布吉玩 之 #7(芭東海灘,水上拖傘,椰子殻雪糕,Jungceylon) 去布吉玩 之 #8(邁考海灘Resort區有咩食?超抵食餐廳推介!) 去布吉玩 之 #9(泰國必買手信,購物分享,戰利品) 去布吉玩 之 #10(布吉機場,Coral Executive Lounge,AirAsia)