上篇blog講到我地搭內陸機由馬爾代夫首都的馬累去Kooddoo Island,Kooddoo島只有一間Resort,就係我地呢3晚住Mercure Maldives Kooddoo Resort啦。 一落機職員就帶我地去左Kooddoo Airport V.I.P. Lounge。 職員比左杯果汁我地飲。 呢個Lounge主要都係比旅客辦理check in手續。我地今次係國泰的Fanfares買機票連酒店的套票,價錢係每人$14324.5連稅,包括:1) 香港來回馬爾代夫的國泰機票2) 三晚住係夢寐以求的水上屋Water Villa (Mercure Maldives Kooddoo Resort的Over Water Sunset Villa)3) Full board (包早午晚三餐)4) 馬累機場來回Kooddoo內陸機場的機票 Mercure Maldives Kooddoo Resort係2017年10月先至正式開幕,當時只係開左接近5個月,成個酒店都好新淨,唔會比人玩到爛晒。呢間resort有Beach Villa, Beach Pool Villa, Over Water Villa, Over Water Sunset Villa, Over Water Sunset Pool Villa,Beach Villa就係沙灘個度的屋,Water Villa就係水上屋啦,我地住的係Over Water Sunset Villa,係對住大海的水上屋,景觀比對住沙灘個排靚好多。另外,酒店有潛水中心、水上運動中心、Gym Room等等,下下篇Blog會詳細介紹我地係Resort玩左d咩。仲有我地的package係Full board,姐係包早午晚三餐,下篇blog會詳細介紹呢三日食左d咩。 Check in完我地就坐哥爾夫球車去我地間水上屋啦。 麥兜:馬爾代夫嗰度藍天白雲、椰林樹影、水清沙幼,係位於印度洋上的世外桃源。我地終於都見到呢個世外桃源! 好似天堂咁靚呀。 我地係右面個排尾3個間水上屋303。 木屋再加茅草屋頂,好有度假feel呀。 一入間房就係衣櫃、電視機、茶几。 茶包係斯里蘭卡的BASILUR。 雪櫃的野飲係免費架。 行入間屋,就可以睇哂成個海景,最正係訓係張床都睇到。 望住咁靚的海完全唔記得影張床,好彩有拍到Room tour片,可以cap番張床的圖。 天花板有風扇架,其實部冷氣都夠凍,剩係開過一次玩下,但把風扇同呢種木屋style好夾。 張床隔離有張書枱。 床前面有兩張梳化椅。 枱下面係玻璃底,可以望到水底架,酒店特登放左d珊瑚係度,吸引左d魚仔游埋黎。 可以坐係梳化度欣賞魚樂無窮。 我特登行落去水上屋下面,然後男友係玻璃上面幫我影番張相。 房出面有個大露台,放左兩張沙灘椅係度。 可以望到左面個排水上屋架。 露台有條樓梯行落去個海度。 水上屋附近的水都唔會好深,海底好多珊瑚,好適合係度浮潛,係下下篇blog會介紹我地玩浮潛。 露台仲有2張凳,可坐係度望住個景chill下。 一入門口的右手面就係浴室啦。 牙刷等等的日用品都會有。 好鐘意佢地的雲石浴室用具。 馬桶的位置。 淋浴的位置。 沖涼房仲有張長凳比你坐&放野,另外,仲有室外的沖涼區。 室外有個浴缸,係露天架,放心係無人見到架。另外,隔離有度門可以通番去露台架,應該係比人落海玩完,然後係室外沖一沖走d沙先,再入去室內沖涼。 仲有個露天的淋浴位置。 都係用Mecure的沖涼用品。========================= 分享下我地係水上屋影的相啦。 繼《去布吉玩》,我地又帶左獨角獸&紅鶴浮床黎馬爾代夫,可以叫職員幫你吹漲獨角獸&紅鶴架。 呢度的水流都幾急,佢地好快就飄走。 Unicorn獨角獸&Flamingo紅鶴浮床真係好適合帶黎d villa打卡。 係海上面望番d 水上屋的樣。 男友捕捉左我係Flamingo上面跌落海的一刻。。。 呢度的海水真係好淺色好靚。 個露台係足夠放哂呢兩隻Unicorn&Flamingo。 呢度的日落都非常靚。 好唔捨得個天變黑,但呢個金黃色的天空未免太靚啦。剪左段馬爾代夫的旅行Vlog,入面有水上屋的Room tour架!下篇blog會詳細介紹我地呢三日係Kooddoo島上面食左d咩。 旅遊日期:2018年2月22日- 2018年2月27日 =========================覺得呢篇blog幫到你,記得like Facebook Page https://www.facebook.com/fatbjai.travel/follow Instagram: fabjai.tavelhttps://www.instagram.com/fatbjai.travel/收到個blog的最新update!=========================《去馬爾代夫嘆》Day1 (搭國泰去馬爾代夫,首都馬累Unima Grand酒店) Day2 (搭馬爾代夫航空內陸機去Kooddoo Island) Resort篇 (水上屋大解構,Mercure Maldives Kooddoo Resort) Resort篇 (係Resort小島上Full board有咩食 - Mercure Maldives Kooddoo Resort) Resort篇 (黎馬爾代夫有咩玩?- Mercure Maldives Kooddoo Resort) 馬累機場delay8小時番香港 直航變曼谷轉機遭遇