~今日的行程~ 6月4日:ION Orchard 行街 -> 午:三巡海南雞飯 -> Raffles City行街 -> 晚:Grandma's Restaurant (新加坡菜) -> 住:Four Seasons Hotel Singapore 想睇番西歐五國星馬畢業遊的行程,請睇行程篇 (27日景點行程分享,機票資料) 早上check out左位於紅燈區的Fragrance Hotel - Crystal之後, 我地就拖住喼搭地鐵黎Orchard站check in另一間酒店啦。 上一次黎新加坡嘆,住左兩間靚景的酒店, 分別係金沙的Marina Bay Sands、Ritz-carlton Millenia, 今次我地唔住咁豪啦! 係香港住唔起四季酒店, 而新加坡的四季酒店價格就相宜好多, 我地之後呢兩晚都住係新加坡的四季酒店 - Four Seasons Hotel Singapore。 我地出左ION Orchard商場, 之後過大馬路去Wheelock Place商場, 然後沿住藍色點點去四季酒店。之後我地發現,ION Orchard有條路通去Wheelock Place入面, 然後上一層,穿過Wheelock Place,係商場的另一個入口離開, 最後沿住紅色線去四季酒店, 呢個方法就可以一半路程都嘆住冷氣、行住商場咁番酒店啦。 我地去到四季check in的時候有welcome drink, 而且原本3點先可以上房,而家1點就有房啦!我地入住的日期係5/6-7/6, 房型係Deluxe Room, 1 King Bed, 價錢連稅扣埋優惠碼係HK$5091.76 三晚,即係HK$1697.25 一晚, 地址:190 Orchard Boulevard, Singapore, 248646 Singapore。等我為大家解構下新加坡的四季酒店啦! 首先一入門口係有個衣櫃。 左手面就係浴室。 有兩個洗手盆, 朝早男友唔洗讓洗手盆比我用,咁就唔會有藉口懶床啦。 左手面係馬桶。 右手面係浴缸&淋浴的位置, 好鐘意浴缸上有個架呀。 出番黎睡房的位置, 呢度係梳妝台。 有Macaron! 睡床~ 書台&電視機。 有意大利牌子Lavazza的咖啡室&膠囊咖啡。 仲有新加坡的TWG Tea茶包, 天呀,有6款比你飲, 我最鐘意Yunan FOP 雲南FOP呢個茶包, 係清清地帶點普洱的香味。 酒店望到的景, 雖然個景無Marina Bay Sands&Ritz-carlton Millenia咁正, 但咁岩前面呢兩座建築物都好特別。 話說我地最後個晚發現張床有疑似昆蟲的腳! 我地立即打比前台叫佢幫我地換床單! 之後酒店職員都好快上黎幫我地換, 估唔到五星級酒店的床都會搵到有異物,真係嚇親! ========================= 係酒店hea左陣之後, 我地就去ION Orchard行下街, 然後又黎左上次都有黎的Food Opera 醫醫肚, 地址:#B4-03/04 ION Orchard, Singapore 238801, Singapore。 我地揀左呢間Sergeant Hainanese Chicken Rice 三巡海南雞飯, 緊係要叫碟海南雞飯啦,有大中細3個三種份量揀, 我地呢碟係中,SGD$7.6。 仲叫左碟咖哩雞麵,SGD$6.5, 咖哩味好香,但好辣,但d雞就無乜咖哩味, 加埋政府會收7%的稅,總共食左SGD$14.1。 食飽飽就去左Bengawan Solo,好出名的班蘭蛋糕餅店, 我地今次都係打算係機場先至買班蘭蛋糕, 另外機場的Bengawan Solo係免稅會平D架, 不過我地依舊買左D糕點番酒店食, 7件糕點都只係SGD$8.2, 地址:2 Orchard Turn, #B4-38 ION Orchard。我地行行下ION Orchard覺得頂唔順,太眼訓啦, 琴日搭完10幾個鐘機,再搭接近4個鐘的機黎新加坡, 凌晨一點幾先到達酒店,今朝又要早起check out, 所以決定係酒店補番個眠先。 ========================= 夜晚我地就搭地鐵去City Hall站, 去Raffles City廣場食晚餐! 我地最後揀左呢間Grandma's Restaurant, 見到下面寫住Proudly Singaporean就知呢間係食新加坡菜啦, 地址:#B1-76 Raffles City Shopping Centre, 252 North Bridge Road, 179103。 入去坐底就會比碟印尼蝦片,原來會收SGD$2! 左面個杯叫做Grandson's Fave,SGD$3.5, 右面個杯係 Sour Plum Lime Juice 話梅青檸汁 ,SGD$4.5, 我好鐘意酸酸甜甜咸咸的野飲。 Double Boiled Cordyceps Flower Chicken Soup 燉蟲草花雞湯,SGD$4.9, 個雞湯入面係有雞肉架,d雞好滑! Mee Siam 暹羅麵,SGD$8.9, 係勁幼的米線。 Mini Ngoh Hiang 五香滷肉,SGD$6.9, 餐牌話呢碟係新加坡人最愛的小食, 個五香滷肉唔點醬就普通肉味,點左醬就好似蜜糖咁甜。 Nasi Bukhari 雞肶椰漿飯,SGD$16.9。 另外餐廳收加一服務費,政府會收7%的稅,總共比左SGD$56。食完野我地就去左Market Place超級市場行下街, 男友d感冒仲未好番,所以要再買d藥食下。 (睇黎係巴黎&佛羅倫斯買的藥都無乜效) 男友keep住咳,喉糖已經無乜用,要買支咳藥水, 最後揀左呢支Woods Cough Syrup 活士薄荷露 SGD$6.6。 男友感冒,依舊買盒感冒藥, 買左呢個Decolgen的感冒藥 SGD$6.15。 呢間超級市場賣的野都比較貴, 例如百勝廚叻沙拉麵要SGD$11.85, 我地之後去左Fairprice只係賣SGD$9.95。 另外,我地想買呢個KOKA牌的星洲叻沙味的公仔麵, 呢度要SGD$3.3, 我地諗住留到去牛車水的Fairprice先買,果然Fairprice只係賣SGD$2.9!我地買完野就番酒店早d休息啦, 聽朝出發去聖淘沙玩! 旅遊日期:2017年5月14日- 6月10日 ========================= 覺得呢篇blog幫到你, 記得like Facebook Page https://www.facebook.com/fatbjai.travel/ follow Instagram: fabjai.tavel https://www.instagram.com/fatbjai.travel/ 收到個blog的最新update! ========================= 其他文章: 《西歐五國星馬畢業遊》 行程篇 (27日景點行程分享,機票資料) Day21 (點係香港機場hea遊4個鐘,新加坡酒店篇,Fragrance Hotel - Crystal) Day22 (新加坡酒店篇,Four Seasons Hotel Singapore,Grandma's新加坡菜,三巡海南雞) Day23 (聖淘沙,3D影相館,4D探險樂園,高速斜坡滑車,空中吊椅,亞洲最南點) Day24 (新加坡,Garden by the Bay,天天海南雞飯,小印度,哈芝巷) Day25 (樟宜機場退稅,馬印航空去吉隆坡,亞羅街,Shangri-La酒店分享) Day26 (Berjaya Times Square室內樂園,雙子塔,新峰肉骨茶) Day27 (吉隆坡影相打卡必去Kuala Lumpur City Gallery,茨廠街,保記沙河粉) Day28 (吉隆坡馬印航空番香港,退稅,吉隆坡Plaza Premium Lounge) 《去新加坡嘆》 去新加坡嘆 之 Day1a (樟宜機場,電話卡,兌錢) 去新加坡嘆 之 Day1b (聖淘沙,環球影城,Vivo City) 去新加坡嘆 之 Day2 (金沙購物中心,ION Orchard,牛車水,Maxwell Food Centre) 去新加坡嘆 之 Day3 (Merlion,牛車水寄明信片,Garden by the Bay,機場shopping) 去新加坡嘆 之 住宿篇 (Marina Bay Sands,無邊際泳池) 去新加坡嘆 之 住宿篇 (Ritz-carlton Millenia) 新加坡新地標 - Jewel 星耀樟宜+全世界機場內最高的瀡滑梯