~今日的行程~ 6月3日:Plaza Premium Lounge 沖涼 -> 搭飛機去新加坡 -> 住:Fragrance Hotel - Crystal想睇番西歐五國星馬畢業遊的行程,請睇行程篇 (27日景點行程分享,機票資料) 上篇blog講到我地係蘇黎世機場搭瑞士航空番香港, 我地會係香港逗留4個鐘, 然後飛去新加坡展開星馬7日之旅啦! 呢4個鐘頭做d咩呢? 當時大約5:00pm,首先屋企人會黎機場接我地機, 我地將歐洲的戰利品 & 秋冬衫交比屋企人拎番屋企先, 咁我地個喼就輕左好多&多左好多位,可以繼續去新加坡&馬來西亞買野啦,哈哈。 其次,搭左成12個鐘長途機, 緊係去沖番個靚涼,換件衫先啦, 因為我地有國泰航空尊尚信用卡, 可以入去環亞機場貴賓候機室 Plaza Premium Lounge免費享用入面的沖涼服務!(按我申請) 我地去的係T2的Arrivals Lounge, 因為想沖完涼可以放番d臭衫入喼先check in! 有毛巾。 有馬桶,有墊地下的毛巾。 有牙刷、牙膏、浴帽、化妝綿、綿花棒 & 梳, 用品好齊全。 有風筒。 搭完十幾個鐘機有得沖涼,簡直係重生呀!=========================之後我地就check in 寄存行李, 再去閘入面的Plaza Premium Lounge hea到夠鐘就上機。 好似係第一次係單位數字的閘口登機呀! 原本8:25pm,delay到9:45pm。 終於都上機啦, 我地係搭國泰去新加坡, 呢架機感覺好舊式呀,個mon好細。 機型係波音777-300。 個座位有舊軟墊。 個seat beat都零捨大舊, 我地隻公仔都有佢自己的位坐呀。 係香港逗留短短的4個鐘, 又要講bye bye啦。 起飛之後,空姐就派發花生比我地食。 之後就有飛機餐啦。 除左係Lounge有食左少少野之外, 我地今日3餐都係食飛機餐! 哈根大師雪糕。 ========================= 去到新加坡都凌晨1點幾, 我地唯有搭的士去酒店, 搭左3個字就番到酒店, 原本跳標係SGD$14, 凌晨要加多50%車費SGD$7, 機場出發要另外加SGD$13, 總共要比SGD$24! 我地book左間普普通通的酒店住一晚就算, 叫做Fragrance Hotel - Crystal, 中文係飛龍酒店 - 水晶, 地址:50 Lorong 18 Geylang, Singapore, 398824 Singapore, Uber司機見我地去呢個地方, 就提醒我地話呢間酒店附近係紅燈區, 治安唔係咁好,叫我地夜晚唔好出去! 所以大家都唔好book呢一區的酒店啦。 酒店門口,我地第2日check out影的。我地入住的日期係3/6-4/6, 房型係Superior Room, 包免費Wi-Fi, 價錢連稅扣埋優惠碼係HK$367.23 一晚。 一入門口的右手面係張凳, 上面有d衣架比人掛衫, 好適合比人掛d衫係度晾乾。 睡床的位置, 左面有個梳妝台, 風筒放左係呢度好方便比人坐係度吹頭。 浴室門口的旁邊有個茶几, 有兩支水、茶包、咖啡, 通常呢d廉價酒店都會用Lipton茶包, 但呢間竟然會用Dilmah茶包,有驚喜! 浴室有提供牙刷、浴帽, 但只有沖涼+洗頭二合一的清潔液, 我地都係用番歐遊係酒店拎的淋浴露、洗頭水啦。 總括黎講, 三百幾蚊一晚的酒店黎講的質素係非常唔錯, 房間都夠大同四正, 唯獨是酒店位置唔太安全, 大家住呢間酒店的話都唔好太夜出入。 聽日我地就會搬去近Orchard Road的酒店啦。 旅遊日期:2017年5月14日- 6月10日 ========================= 其他文章: 《西歐五國星馬畢業遊》 行程篇 (27日景點行程分享,機票資料) Day21 (點係香港機場hea遊4個鐘,新加坡酒店篇,Fragrance Hotel - Crystal) Day22 (新加坡酒店篇,Four Seasons Hotel Singapore,Grandma's新加坡菜,三巡海南雞) Day23 (聖淘沙,3D影相館,4D探險樂園,高速斜坡滑車,空中吊椅,亞洲最南點) Day24 (新加坡,Garden by the Bay,天天海南雞飯,小印度,哈芝巷) Day25 (樟宜機場退稅,馬印航空去吉隆坡,亞羅街,Shangri-La酒店分享) Day26 (Berjaya Times Square室內樂園,雙子塔,新峰肉骨茶) Day27 (吉隆坡影相打卡必去Kuala Lumpur City Gallery,茨廠街,保記沙河粉) Day28 (吉隆坡馬印航空番香港,退稅,吉隆坡Plaza Premium Lounge) 《去新加坡嘆》 去新加坡嘆 之 Day1a (樟宜機場,電話卡,兌錢) 去新加坡嘆 之 Day1b (聖淘沙,環球影城,Vivo City) 去新加坡嘆 之 Day2 (金沙購物中心,ION Orchard,牛車水,Maxwell Food Centre) 去新加坡嘆 之 Day3 (Merlion,牛車水寄明信片,Garden by the Bay,機場shopping) 去新加坡嘆 之 住宿篇 (Marina Bay Sands,無邊際泳池) 去新加坡嘆 之 住宿篇 (Ritz-carlton Millenia) 新加坡新地標 - Jewel 星耀樟宜+全世界機場內最高的瀡滑梯