~今日的行程~ 6月1日:係Grindelwald 享受慢活 -> 午:Cafe Ringgenberg -> 晚:VOI Migros超級市場 想睇番西歐五國星馬畢業遊的行程,請睇行程篇 (27日景點行程分享,機票資料) 今日係最後一日住係Grindelwald, 我地黎左歐洲19日, 前兩日去左少女峰 & First, 所以今日打算邊度都唔去, 留係瑞士最靚的村莊Grindelwald周圍行下享受下慢活, 唯一的任務就係寫明信片然後拎去寄啦。 每日一起身, 都要望下艾格峰Eiger先去刷牙洗面。 (酒店的review請睇呢個blog) 係酒店慢慢嘆個早餐。 食完早餐就係酒店門口的休憩空間坐下。 望下眼前呢個綠油油的草地&雪白的山峰。 (當然唔少得影相啦。) 然後我地周圍行下散步, 見到呢條小徑又幾有feel, 當然要影番張相啦。 之後我地行落山, 行下Grindelwald小鎮的鋪頭, 係Grindelwald間唔中都會見到熊仔的裝飾, 唔通Grindelwald係有熊出沒嘅? ========================= 我地中午黎左呢間Cafe Ringgenberg, 地址:Dorfstrasse 123, Grindelwald 3818, Switzerland。 係瑞士瘋狂飲源自瑞士的阿華田, 其實同香港飲到的都差唔多, 只係瑞士會用番佢的德文原名Ovomaltine。 我就叫左杯Rooibos Vanilla 雲呢拿博士茶, 係用德國最大的茶包品牌 - Teekanne。 張墊枱紙標示左Grindelwald上的鐵路&山峰。 我地都忘記左影餐牌, 只係記得點左傳統的瑞士菜式黎試。 d芝士好邪惡呀, 我地總共食左CHF$43.3。 Grindelwald雖然係一個好靚的地方, 但係有時經過d牛牛的農舍, 就會聞到一大陣好臭的牛屎味。 (放心!條街係好乾淨,無牛屎) 另外,可能牛牛多的關係, 係餐廳食野都勁多烏蠅飛黎飛去, 就算我地係室內的cafe,都有2-3隻烏蠅喉住你的食物, 男朋友食野的時候就不停拍烏蠅,其實都幾煩架。 ========================= 然後我地就去郵局買郵票啦, 寄去香港的名信片的郵費係CHF$2每張。 名信片寄去香港的郵費黎講:梵蒂岡(~HKD$18.2) > 瑞士(~HKD$15.8) > 巴黎(~HKD$11.2)。 買埋明信片我就番酒店慢慢寫啦。 攤係張床一路hea一路寫, 呢個時候好多雲飄去艾格峰度, Grindelwald的天氣真係時晴時陰呀。 寫完我就放係酒店門口的郵筒到啦。 ========================= 之後我地又落番山去超市買晚餐番酒店。 見到標榜係Grindelwald的雪糕, 個牌子名叫做Gletschereis,德文的意思係冰川的冰。 d材料,包括奶、忌廉、牛油,都係黎自Grindelwald, 而且無化學物質同人造添加劑, 100%純天然。 可能我地食唔慣天然野, 覺得佢比較淡味, 我都係鐘意食之前買的Ben & Jerry's 多d。 ========================= 我地去左Day16去過個間VOI Migros超市買野食。 今晚的晚餐, 最左個個係三文治 CHF$4.5, 右面個盒係蘑菇意大利飯 CHF$4.8, 好似杯面個盒係肉丸薯蓉 CHF$2.6。 其實根本係得薯蓉。 我地想健康d買左盒粟米沙律 CHF$2.2。除左野食之外,我地買左d零食。 好鐘意食Pretzel蝴蝶脆餅 (德文係Brezel) CHF$1.5, 好咸, 食左幾次先食得哂, 個包裝好貼心,有張貼紙比你封口,下次食就唔會咁快變腍啦。 Rapelli牌的Salami Paprika Chips CHF$12.7, 其實佢係切成薄片的莎樂美腸, 搭火車當零食咁食。 Tea Time牌的錫蘭紅茶50個茶包 CHF$1.2, 比我番Grad job的時候係office飲。 Bonherba牌的潤喉糖 CHF$4.1, 覺得佢比係香港食開的利口樂(Ricola)潤, 非常推薦大家買返香港派街坊。 超悠閒的一日就完結啦, 今晚要執行李準備番香港啦! 聽日我地會去琉森 Lucerne & 蘇黎世, 然後就出發去蘇黎世機場番香港, 再搭飛機去新加坡! 聽落都覺得chur呀。 旅遊日期:2017年5月14日- 6月10日 ========================= 覺得呢篇blog幫到你, 記得like Facebook Page https://www.facebook.com/fatbjai.travel/ follow Instagram https://www.instagram.com/fatbjai.travel/ 收到個blog的最新update! ========================= 《西歐五國星馬畢業遊》 行程篇 (27日景點行程分享,機票資料) Day1 (出發去倫敦,維也納轉機驚魂事件,奧地利航空) 酒店篇 (英國倫敦Paddington,Castleton Hotel) Day2 (白金漢宮,西敏寺,大笨鐘,Oxford Street,Fish&Chips,柏靈頓) 酒店篇 (英國倫敦,Conrad London St. James) Day3 (大英博物館,倫敦塔橋,Harrods,Burger&Lobster,Nandos) Day4 (Bicester Village戰利品分享,itsu英式日本快餐,Five Guys) Day5a (英國巨石陣Stonehenge,世界文化遺產) Day5b (九又四分之三月台,倫敦最好食的葡撻,印度菜) 酒店篇 (英國倫敦King's Cross,Crestfield Hotel) Day6 (倫敦去巴黎,羅浮宮,巴黎聖母院,愛情鎖橋) Day7 (凱旋門,聖心堂,香榭大道,巴黎鐵塔下睇夜景) Day8 (Palace of Versailles,係凡爾賽宮嘆下午茶) 酒店篇 (法國巴黎,Hotel R de Paris) Day9 (《Inception》電影拍攝場地-比爾阿克姆橋) 酒店篇 (睇到巴黎鐵塔的酒店Hôtel La Comtesse) Day10 (巴黎鐵塔,聖路易島的雪糕,Ryanair飛羅馬) 酒店篇 (羅馬Ciampino機場,Hotel Palacavicchi) Day11a (搭火車黑仔事件,梵蒂岡,羅馬許願池,萬神殿) Day11b (羅馬鬥獸場,古羅馬廣場,GROM雪糕) 酒店篇 (羅馬,Hotel Nord Nuova Roma) Day12 (佛羅倫斯,The Mall,聖母百花大教堂,領主廣場,T-bone牛排) Day13 (佛羅倫斯周邊打卡勝地:比薩斜塔&五漁村) 酒店篇 (佛羅倫斯民宿推介,Home Boutique Santa Maria Novella) Day14 (威尼斯,彩色島,聖馬可廣場) 酒店篇 (威尼斯,Ca' Pagan Guest House) Day15 (威尼斯不愉快事件,米蘭曲折之旅,米蘭大教堂,艾曼紐二世迴廊) 酒店篇 (米蘭,Hilton Milan) Day16 (米蘭去瑞士Grindelwald,瑞士火車pass要點揀?Domodossola退稅分享) 酒店篇 (瑞士山區Grindelwald,望到阿爾卑斯山的Hotel Lauberhorn) Day17 (玩轉瑞士少女峰!原來有咁多野好玩!) Day18 (瑞士Grindelwald玩刺激活動/行山的聖地 - 佛斯特 First) Day19 (瑞士Grindelwald享受一日慢活) Day20a (瑞士琉森,卡佩爾木橋,垂死獅子像,蘇黎世) Day20b (蘇黎世機場退稅,瑞士航空,Aspire Lounge)