想睇番西歐五國星馬畢業遊的27日行程,請睇西歐五國星馬畢業遊 (27日景點行程分享,機票資料) Plan左半年的Grad Trip今日終於都出發啦! 我地搭奧地利航空,由香港12:45pm起飛,7:15pm到維也納, 機程係12小時30分鐘, 然後係維也納中途停留50分鐘,8:05pm係維也納起飛,9:30pm到倫敦希斯洛機場(Heathrow Airport), 機程係2小時25分鐘。 為左呢個歐洲Trip,我特登續左本BNO! 續領BNO詳情請睇 ->續領BNO分享(Adult first time,無交副簽) 另外,奧地利航空係德國漢莎航空Lufthansa旗下的公司,所以張機票係印住Lufthansa! 捕捉到奧地利航空的空姐上機,佢地全身紅色戰衣。 11:53pm我地登機啦。 座位有個cushion仔&毛毯 坐經濟艙的長途機必需一個記憶棉頸枕!(男友手上的迷彩飛機枕) 普通的飛機枕都好軟好淋,承托唔到個頭的重量, 而呢個記憶棉頸枕可以包住成個頸部,軟得黎又有支撐力。 坐位的闊度岩岩好,放雜誌的位都尚算夠我裝支水&淋瀋野。 支裝水是長途機必備! 我隻熊仔都有位坐! 大約1:50pm飛機終於起飛啦。 好似每次起飛望到的景色都好唔同 上到上空後,空姐派左包小食, 係奧地利牌子Soletti的鹹味餅乾, 每塊餅乾都係飛機咁的樣,叫做Cloud Hoppers。 香港時間3:25pm左右,我地有下午茶食啦! 飛機餐黎講都幾正, 上圖係男友的餐就普通D, 但下圖,我個餐有芝士千層麵咁上下的野, 我作為芝士控黎講,覺得個千層麵真係芝味十足, 另外個蛋糕都非常好食。 不時望出窗會見到好特別的景色, 呢張圖望真d好似係梯田黎, 雖然電話開左飛行模式,但都咁岩mark左D相係甘肅省的定西市, Google一下定西市真係有梯田, 真係好幸運! 突然又見到窗外有白茫茫的雪山, 今次好醒目開左座位個mon的飛行地圖睇, 原來我地係新疆維吾爾自治區阜康市天山山脈的博格達峰Bogda Peak。 香港時間7:55pm, 空姐又派小食啦! 今次係意大利的Laurieri的餅乾。 坐多陣又發現窗都結左少許的雪花 好迷彩feel 香港時間12:00am, 好輕量的「宵夜」呀。 香港時間1:00am,奧地利時間7:00pm, 我地要準備降落奧地利的維也納機場啦, 係飛機上見到維也納, 都係一片片綠油油,好多風力發電機的綠色城市, 希望將來有機會黎維也納旅行! 奧地利時間7:21pm到左機場, 之後我地拿拿聲睇下我地下班機閘口係邊啦, 點知見到班機boarding緊!! 然後就狗衝去閘口D21, 呢個閘口距離好遠, 進入閘口D的範圍又要security check, 去到閘口D21的時候個度已經無 哂 人! 個電子板仲寫住closed左!!!! 我地搵機場職員又幫唔到手, 閘口D又無奧地利航空的職員! 我地再睇多一次個電子板, 發現班機delay左一個鐘,而且轉左去閘口G, 於是我地就慢慢行番去(入去閘口G又要security check!!) 同埋行下免稅店啦。 另外,發現就咁Google search個flight no就會出閘口資料, 仲清晰過睇機場個電子板! 下面d店鋪應該係屬於禁區外 禁區內都有唔少買野的地方, 我地隨便睇下,咩都無買到。 維也納機場的設計都好型格。 搭2小時25分鐘,倫敦時間10:34pm就準備降落了! 倫敦上空的夜景好光、好城市feel,同維也納好唔同。 到英國就立即換電話卡, 我地係英國、法國、梵蒂岡、意大利都係用Vodafone, 係淘寶買的,人民幣¥48.9, 張卡用到28日,有1GB的4G流量+無限2G 流量+含通話 , 我地買左3張, 最後我用左兩張都唔夠我捱2個星期,之後我增值多1GB先夠,要€10! (早知係淘寶淘多張啦!貴成倍) 拎完行李,出到黎都已經11:20pm, 機場D鋪頭都關得8899 (其實好想買野食), 於是我地就去買Heathrow Express的火車飛去Paddington 。 價錢係£10.30 我地出發行去Heathrow Express的車站, 個站好遠下,行左成10-15分鐘先到! 另外一出機場覺得超級寒, 因為香港5月中已經好熱, 計住plan行程無睇到倫敦的天氣, 我當時著左短袖衫褲+冷衫嬲+運動嬲, 完全唔夠暖!倫敦當時天氣=香港的冬天。 去到車站等左15-20分鐘先至有車, 架車都幾好坐,唔洗轉車一直去到Paddington 站。 落左車拖住行李都無影過相, 加上又條街好大風, 真係凍到震。 當時都接近凌晨一點, 我地未食dinner, 條街得番Burger King & M記, 就買左Burger King外賣。 估唔到係英國第一餐的就比左Burger King....... £7.99 英國的Burger King唔係特別好食,充飢都唔錯。 我地今晚住的酒店叫做Castleton Hotel, 好近Paddington 站,下篇會詳細介紹~ 另外,國泰航空歐洲航線的賣點係"晨早直達"歐洲, 真係唔建議早機到歐洲, 搭左成日機都好攰, 早機到達,成個下午都無精神,極需要補眠, 而晚機到就起碼一到酒店就可以沖涼訓教, 補足精神第2日玩! ------------------------------------- 想收到個blog最新update 記得like Facebook Page https://www.facebook.com/fatbjai.travel/ ========================= 《西歐五國星馬畢業遊》 行程篇 (27日景點行程分享,機票資料) Day1 (出發去倫敦,維也納轉機驚魂事件,奧地利航空) 酒店篇 (英國倫敦Paddington,Castleton Hotel) Day2 (白金漢宮,西敏寺,大笨鐘,Oxford Street,Fish&Chips,柏靈頓) 酒店篇 (英國倫敦,Conrad London St. James) Day3 (大英博物館,倫敦塔橋,Harrods,Burger&Lobster,Nandos) Day4 (Bicester Village戰利品分享,itsu英式日本快餐,Five Guys) Day5a (英國巨石陣Stonehenge,世界文化遺產) Day5b (九又四分之三月台,倫敦最好食的葡撻,印度菜) 酒店篇 (英國倫敦King's Cross,Crestfield Hotel) Day6 (倫敦去巴黎,羅浮宮,巴黎聖母院,愛情鎖橋) Day7 (凱旋門,聖心堂,香榭大道,巴黎鐵塔下睇夜景) Day8 (Palace of Versailles,係凡爾賽宮嘆下午茶) 酒店篇 (法國巴黎,Hotel R de Paris) Day9 (《Inception》電影拍攝場地-比爾阿克姆橋) 酒店篇 (睇到巴黎鐵塔的酒店Hôtel La Comtesse) Day10 (巴黎鐵塔,聖路易島的雪糕,Ryanair飛羅馬) 酒店篇 (羅馬Ciampino機場,Hotel Palacavicchi) Day11a (搭火車黑仔事件,梵蒂岡,羅馬許願池,萬神殿) Day11b (羅馬鬥獸場,古羅馬廣場,GROM雪糕) 酒店篇 (羅馬,Hotel Nord Nuova Roma) Day12 (佛羅倫斯,The Mall,聖母百花大教堂,領主廣場,T-bone牛排) Day13 (佛羅倫斯周邊打卡勝地:比薩斜塔&五漁村) 酒店篇 (佛羅倫斯民宿推介,Home Boutique Santa Maria Novella) Day14 (威尼斯,彩色島,聖馬可廣場) 酒店篇 (威尼斯,Ca' Pagan Guest House) Day15 (威尼斯不愉快事件,米蘭曲折之旅,米蘭大教堂,艾曼紐二世迴廊) 酒店篇 (米蘭,Hilton Milan) Day16 (米蘭去瑞士Grindelwald,瑞士火車pass要點揀?Domodossola退稅分享) 酒店篇 (瑞士山區Grindelwald,望到阿爾卑斯山的Hotel Lauberhorn) Day17 (玩轉瑞士少女峰!原來有咁多野好玩!) Day18 (瑞士Grindelwald玩刺激活動/行山的聖地 - 佛斯特 First) Day19 (瑞士Grindelwald享受一日慢活) Day20a (瑞士琉森,卡佩爾木橋,垂死獅子像,蘇黎世) Day20b (蘇黎世機場退稅,瑞士航空,Aspire Lounge)